KAAWIS!

lnde  njeslaare 28 Jolal hitaande 201

GENO NDE O TAGI EN!
Neɗɗo wonaa dammuwol woto o sikku ɗum. Nde o tagi en he ñeeñal makko, o wiyaani en tan njehe ngoore no nayi duumbitaaɗi nih. Sinndo wonaano GENO ko o jurum-ndeero en kaandaani he yurmeende, ko kaŋko haandini en he yurmeende, kaawniiɗe makko ko kaawniiɗe, omo waɗan-ma ka haandaani sibu wonaa golle ma ndokkuma ɗum. "KAAWIS" he nder moɗ-moɗtondire ina waɗi dillere nde deeƴaani saɗne”, dillere ɓurnde mawnude he aade woni jiyɗe. Neɗɗo ina moƴƴi o annda to immori : mbayka ko tago,  ko gollal timmal “Paamen aade woni he makko ko sirru Saganke. Ndokken Yeru liingu (liyngu), ena dilla, ena waɗi fittaandu no aade nih, kono liingu waawa wuurde he dow yooro; waɗde sa teskiima liingu sirru mum ko ndiyam. Kala ko o tagi geɗel heen fof caggal aade ena jogii yamiroore mum heeriinde nde ŋakkataa gollal hay saha gooto.

KAAWIS!
Neɗɗo ko huunde haawniinde! “Saganke wiyi en liggore ɗee hakkillaaji, ko ɗuum ndokkirmi on ɗi, sa limi terɗe neɗɗo fof haa timmi fof no fotiri geɗel heen fof ena woodi ko golloto tawa jiida he goɗngel ngel. "EƊEN MIIJO EƊEN MBINNDA GANNDAL HE FIYAAKU". Terɗe aade : sukundu seŋii ko he hoyre, gite njogii ndaneeri mum he ɓaleeri mum kono yiyata ko ɓaleeri ndi yiyata, nofuru woni lahal ngal. Nder maggal angal jogii wuddere, nde seŋii ko e hoyre he ena jogii ko gollotoo ko fiyaaku nder nderiijo. Jogii hunuko, ɗemngal ngal lommbii he nder makko waɗoyi tetekol gootol, ngol fuɗi he ɗemngal makko haa ngol woɗɗoyi ngol seeri, ngol waɗi kin-hine ɗiɗi gootol ngol ko ndiyam, keddingol ngol ko ñaamde ñaamateende. Waɗi ñiiƴe toni gaaɓle, waɗi waɗi haa heewi. Daande juuɗe koyɗe kala ko o waɗi, o waɗiranaa ko haa wonanamo  ciŋkal ha o yooɗa”, kono ɗee geɗe fof ɓuri yiɗeede he majje ko hakkille, nde tawno ko hakkille woni aade. Sibu Saganke wiyi kala ko o tagi o ɓuri teddinde ko aade. Kono fof de seerndi en he majje ko hakkilantaagal ngal.

Neɗɗo kala ko omo gollo yo o golloro hakkille, sa golliima golle ɗe ngonaa golle hakkilantaagal ɗe ngonataa golle moƴƴe. Sibu Allah rokkiri en hakkillaaji ko haa kuutiroɗen ɗi, wonaa haa njeeboroɗen ɗi”, Neɗɗo tagaa ko he ganndal wonaa huunde sariinde, Laamɗo ko o toowɗo toownuɗo kala ko toowi. Eɗen toriimo nde o ɓeydoto hisnude Nulaaɗo men Muhammdu yoo jam he kise ngon he makko (Aamiin).

KUƊOL NGENNDIYAŊKE JOOB
MO RABAT. NADIINA GUNAAS
Maccungel Allah.