JIMOL HAASIDE!

-

JIMOL HAASIDE
NGENNDIYANKE JOOB

Haasideeɓe janfotooɓe, wileeɓe piɓi tuutooɓe jamma e ñalawma ɓe ngonaa lelotooɓe yimɓe fuuyu-faayaaɓe.
Ɓalli poppolli heddortooɓe laabi darotooɓe ñawbuuli bonɗi wukkitooɓe arsukaaji Allah rokki falaade etotooɓe.

Haasideeɓe kaɗii leydi am ɓamtaade.
Haasideeɓe kaɗii diiwaan am ɓamtaade.
Haasideeɓe kaɗii dental am filñitaade.
Haasideeɓe kaɗii gannde toowɗe diiñaade.
Ɓeen tigi ngoni nelooɓe baralli e yimɓe ngaluuji hoomtooɓe.
Ñaasotooɓe baralli yimɓe ɗaaynooɓe.
Filñitinooɓe e nguurndam gannde ɗaɓɓitatnooɓe.

Ɓe mbari annduɓe leydi tuugninooɓe ɗaɓɓere gannde ɓamtude diiwaan

Ɓe mbari annduɓe wuro ngam sooɗoraade ƴiiƴameeje mum'en foottude miskinaagu. 

Ɗaaynude pine e gannde e nder leydi.
Ɓeen jooɗotooɓe barakuuji simmeeji bonɗi simmotooɓe
Njarameeje bonɗe yarooɓe
Darotooɓe e mbeddaaji fooyotooɓe ceemedaali saliiɓe dewle mbiyi ko yeeyooɓe terɗe mumen ñammina jinnaaɓe.
Jinnaaɓe ɓe naamnotaako, naamneteeɓe ñalawma darnde ɗi ngaluuji to ngimmi?
Ñalnde heen ko sunotooɓe sumeteeɓe
Jeynge foocceteeɓe mboddi fiileteeɓe mbordi yarneteeɓe.

Seerenɓe yuɓɓinɓe dente mbiyi ko diine ngam dente rewɓe e worɓe cangarte mecce ko gollortooɓe.
Galleeji toowɗi mahateeri rewɓe e worɓe ŋabba jippo e laabi felɓondirooɓe ɓe mbiyi woto kulee aljanna ko en naatooɓe, ɓe njejjitii ceerno ko padaaɗo e aññeere muŋkari e nakiir ko kujjondiroowo.

Kuɗol Ngenndiyanke Joob
Mo Rabat Madiina Gunaas.
Ñalnde njeslaare 21 Jolal hitaande
2018 (france poissy 78)
Senegaal.

Commentaires

Enregistrer un commentaire

Posts les plus consultés de ce blog

Daaka Mantes la jolie

-
Image
Daaka Mantes la jolie (2025) Ndee hitaande jam-yamaare, nde ƴiiwni ƴiiwoonde ngatamaare heeriinde.  Holi ndee ƴiiwoonde ngatamaare ? Ngal natal keeringal maa haal holi nguu ñalngu ! Nguu ñalngu daɗɗi ko ñalnde Naasaande 17 lewru Morso hitaande 2025''. Daaka Mantes la jolie, mo Ceerno Muhammdul Mansuur Ibnu Ahmadu Baro Rta waɗatno kala hitaande, caggal nde o wirni hitaande 20007 o wirnii jiyɗe yimɓe, o fooftoyi, Ceerno Seek Ahmadu Tijjaani Baro Rta lomtiimo e jappeere ndee. Gila ndeen ko kanko yuɓɓinta DAAKA Mantes la jolie. Tawii omo wondi e Ceerno Alh Maalik Seek Ahmadu Baro, e ceerno Siidi Ahmed Muhammadul Mansuur Ibnu Ahmadu Baro Rta. Hono ɗii ñalɗi ɓennunooɓe fof e heewde yimɓe ummortooɓe e nder duunde ndee, Belsiik, Portigaal, Almaañ, Itali, ina ngara diɗɗe-diɗɗe e keewal ina ngara weeɗnanaade ndee moƴƴere Geno heeriinde. So tawii a tawtoraama ndee nokkuure luulnde, telɓinorde Geno, maa anndu ɗum ko dokkal, sinno wonaano dokkal Allah wayataano ɗum. No ceerno me...
Lire la suite

Tiitoonde: Taare Allah.

-
Tiitoonde: Taare Allah. Ceerno Ibnu Umar Bah. Mo Madiina Gunaas wuro maa. Hoɗngo gila he goodal ndii leydi diine Geno feeñnumaa. Njiiɓaandi njiɓɓiraandi cewle kawsara Madiina Gunaas wuro maa. Fuɗnaange maggo juurorde maande diine ñiiɓiinde. Hirnaange maggo jipporde felo Nulaaɗo diine ñiɓiingo. Rewo ƴiiwoonde diine feŋiingo. Worgo ɓulirɗe ƴiiwoole neema jaaliiɗe. Taare Allah. Ceerno Ibnu Umar Muhammadu Saydu Bah. Gaawɗo giɗli tabitini ngootaagu. Yiɗi ɓesngu abbiiɓe he laddeeji. Aaludere to jaati feŋiinde. Mahiinde toon ha tiiɗi diine jaaliinde. Wag-waggiire tamiinde haa tiiɗi ceedante maandaande. Suɓtaande to weluya kohoowo rokkaande. Haa timmi ɓuraana ñaantaande. Neɗɗaagu pinal ganndal loowaande. Mbeelu Siraaji Diine ɗuhiinde. Sahaabayanke Ahmadu fuuɗi ñiiɓi renndo seedtiinde. Ɓure ɓurnaaɗe ngenndi tottaande. Sahaaba mo giɗli mum njooli he Ahmadu. Ujubal koode dow kammu pooyni ceedtiinde.  Fof ko ngam yooɗeede giɗli Ibnu Umar. Taare Allah. Pirɗo firti mo pirooje mum pirtaaki. Gannd...
Lire la suite

Yimre, Aamadu Bah dawriyanke SEN

-
Image
Dawrugol leydi Senegaal.             Aamadu Bah Koolangel ƴakki aawdi. Ɗowi en haa fonngo maayo suri en. Tinndi sifti kono en paamaani. Batuuji batuuji o haali kono en nantindaaki. Cuɓtaaɗo koolaaɗo o resndi en.  Haa nder galleeji diine o nawani en. O resndiɓe, konnguɗi moƴƴi ɓe njooɓnimo. Halifaaɓe aada ɓadtiimo pinal he ɗemngal kalfinimo. Holi ndee lunndaare firtannde en oo aadi. O firtii ko o firnoo, firtii firtani en o firtii. Ko o firnoo o firtii. Kono ko Geno firnoo firtaaki. Maa min teɓɓito ko seɓɓitii. Min lumminoo haa tiiɗa gaawe he silameeje min njooɓo. Aamadu woɗɗaani ɓadti. Galle laamu ko gaawe he silameeje min njooɓo. Gaawe min ceɗta haa seeɓa min mbakkoo. Silameeje min njarna haa mbeleendi siggoo. Hitaande 2029 nder jolle min mberloo. Kiwee kiwee dartinaani min. Kiwee kiwee feccaani min. Hay oo aadi fiɓnde fiɓtaani min. So maayde ñalnde mum min nguurtat. So ñawu ñalnde mum min cellat. Peeje mon peccooje mon pecci on. Ruttii ñawni ɓerɗe mo...
Lire la suite