GOLLE ƁURI HAALA

Ñalnde naasaande 31 yarkoma hitaande 2018 (31 octobre 2018)”. Ina hawri e 22 lewru safar hitaande 1440 ko adii jibineede annabi Iisaa ɓiyi Mariyam (YJK).

Golle ɓuri haala, laawɗi gardiiɗo leydi (lesdi), senegaal alh Makki sal waɗii golle waɗii golle maantiniiɗe he ngenndi mum. hay-sinndo ko mantude alh makki sal, ko ɓuri himmude, ko feññinde mbaydi gollal makko tawde joomiraaɗo wiyno en so neɗɗo moƴƴini yoo yette, so bonnii yoo haalane. (Ñiŋe). “Alh makki sal eɗen mbaawi wiyde miijo ngo tooma sankara en njogino he ƴellitde afrik he yooltude hujjaaji mu'en moɗtuno tawii kebaani ɗi golloraade, tawii GENO hoddiraani, ɓe njaltii aduna.

Teeŋti he waynooɓe no Nelson Mandela mbaɗii golle joginooɗe terɗe he saha mum'en, ngollii golle pattam-lamiije ", So haɓaade nanondiral he njuɓɓudi renndo artirde jam he nder ngenndi mu'en. Eɗen mbaawi wiyde hoyreejo mawɗo leydi senegaal ko ɓeen woni he golloraade “so potal he kawral nanondiral hakkunde leƴƴi, he jokkondiral dow wuurduɓe”, dental hakkunde lesɗeele teeŋti he taariɗe ngenndi makko. To senngo dawrugol en njiyi lannda alh MS ko lannda ɓurka nanondiral he waawde gollaade ” alaa dimo alaa diimaajo no Murtuɗo Mammadu sammba Joob wiyatno nih, dimo ko golle tan e baɗle. Woni diimaajo tan ko janfiiɗo lesdi mum, janfii leñol mum.

Ko seeɗa he njettoor keeriiɗo fayde he gardiiɗo lesdi ndi njiɗɗen joofaade he ballal makko ngal o yiɗani ɓesngu lesdi makko. Hoyreejo mawɗo lesdi ndi : o waɗii laabi njahruɗi tawa ko ɓurɗi waawde hisnude njaha ngarta mbaɗoowo he nder lesdi ndi teeŋti he bolol ilaa tuuba, jiida he boli goɗɗi”, hakkunde tammba kunndaa he bakkel ngol ina wayno fuɗɗaama walla gollorɗe maggol tonngaa ma. Wondudee boowal laaɗe diwooje ngal AIBD hay-sinndo ko fuɗɗa o jokkiti eɗen mbaawi wiyde jokkitgol ngol wayii no fotno wayde” no pulaar wiyata ni waɗaa ma he kaanɗe.

Gollal goɗngal ɓurngal maantinaade hono boowal fettirde nde fuku junngel hono arena ndakaaru, ɓurnde ŋarɗude he nder afrik bannge hirnaange", Ɓaawo ɗuum alh makki sal ƴamii laaɗe diwooje baɗooje njaha ngarta hakkunde lesɗeele afrik teeŋti ko wayno mali Burkina fasoo, gammbi, Moritani; ɗoon haa caggal lesdi ekn. ""GOLLE ƁURI HAALA""

Caggal hoyreejo mawɗo lesdi senegaal hono alh makki sal ina haani walleede he ƴamtol makko lefol laamu ngol hitaande 2019 ngam o laamto lesdi ndi sibu golle makko ina ndokki mo, oon fartaŋŋe. Kala to pullo woni ina eera he keewal njaggondiren he wallude mawɗo lesdi o ƴamtaade lefol laamu payngol waɗde so welii GENO “Rennduɓe fayndaare ngaddii jam he lesdi ndi, ngaddii ɓamtaare he kisal he nder ngenndi ndi.

Kuɗol Ngenndiyanke Joob maccungel allah rabat madiina gunaas.
Wuro huɗo he lekkuule
Nayi ɗo kosam ŋakka.