Ceerno Aamadu Tijjaani Bah

Jaɓɓungal Ceerno Aamadu Tijjaani Bah (Ahmadu), ñalnde 7 dewo lewru yarkomaa (Octembre) hitaande 2018 boowal laaɗe diwooje Orly “Saganke yettaama ceerno yottiima jam he kisal ". O wayniima wuro teddungo ngo madiina gunaas, wuro ceerno seek siraaji diini seek Alh Muhammadu saydu Bah omo wondi he sete makko, seerenɓe wallodiiɓe makko gollude diine lislaam, dental ngal jaɓɓiima ceerno jaɓɓungal jooɗngal paayodinngal, denndaangal madiina gunaasnaaɓe eko taari ɗum, pulaagu ngu fof he kuuɓal, ɓe Moritani mali” lowre damga boosoya yirlaaɓe, ɗoon haa ɓunndu, he fuuta o fof nootiima he keewal ngam jaɓɓaade kaliifa tedduɗo o, taanum ceerno Alfaa hammaad BAH “Seydi Bah seydi Bah ladde wontii wuro.

Nde ceerno naati boowal laaɗe diwooje ngal o bismaa he nder juulirde nde, o salmini calminaali makko tedduɗi uurɗi fayde he renndo ngo, o yottini kadi calminaali makko he denndaangal senegaalnaaɓe teeŋti he wuro makko teddungo ngo madiina Gunaas, nde calminaali makko tedduɗi ɗi timmi ", dental farayse ngal heɓɓitii calmitaali mu'en fayde he kaliifa tedduɗo o ceerno Aamadu Tijjaani Bah he denndaangal sete makko o l, yoo kisal allah won he makko (aamiin), ceerno bismaa he nder ngenndi ndi, o habra no dental ngal woori to senngo diine o he Tijjaaniya o, wonande jaggunooɓe ina ndeeni ina kisni o weltii heen no feewi, o ɓeydii semmbinde yimɓe ɓe he diine o, he gollude jamirooje allah, he reentaade kaɗe makko. Tawii ceerno ina wondi he miñiiko giɗo makko sehil makko ceerno Abdul-ajiij Bah he denndaangal goomu ngu he kuuɓal”, ceerno Aamadu Tijjaani Bah foorti juuɗe mum tedduɗe ɗe o duwii ɗo allah tawaa ɗo Nulaaɗo allah tawaa (SAW), ɗo seekana Aamadu Tijjaani RTA tawaa dental ngal saaki, ceerno nanngi werlaa mum tiindi jipounde mum to werno “(vernon)” . Seydi Bah ɓiyi ceerno siraaji diini, taanum Ceeeno Alfaa Bah.

Ngal garal ceerno tinndinii ko heewi maa siftin kadi ko heewi to senngo diine he Tijjaaniya o, teeŋti he humpitooji gannde diine, he sunna. Madiina gunaas tabitinngal pulaagu laamorgo Tijjaaniya gural boyli weli ndiyam moƴƴi ŋari ƴoogooɓe, njiɗa ngara njiyaa njiɗa laabi (lawbi) ndenndi ceeri ngol fayi daarul-hijjiratu ngol fayi daaka ngol fayi galle Ceerno seek siraaji diini seek Alh Muhammadu saydu Bah yoo kisal allah won he makko, kaŋko he denndaangal seerenɓe hoohooɓe diine lislaam. (Aamiin).

Kuɗol ngenndiyanke Joob
ɓinngel ngenndi. R.MG.
Madiina gunaas.