Ngenndiyanke Joob

Ñalnde naasaande 31 yarkoma hitaande 2018 (31 octobre 2018)”. Ina hawri e 22 lewru safar hitaande 1440 ko adii jibineede annabi Iisaa ɓiyi Mariyam (YJK). Golle ɓuri haala, laawɗi gardiiɗo leydi (lesdi), senegaal alh Makki sal waɗii golle waɗii golle maantiniiɗe he ngenndi mum. hay-sinndo ko mantude alh makki sal, ko ɓuri himmude, ko feññinde mbaydi gollal makko tawde joomiraaɗo wiyno en so neɗɗo moƴƴini yoo yette, so bonnii yoo haalane. (Ñiŋe). “Alh makki sal eɗen mbaawi wiyde miijo ngo tooma sankara en njogino he ƴellitde afrik he yooltude hujjaaji mu'en moɗtuno tawii kebaani ɗi golloraade, tawii GENO hoddiraani, ɓe njaltii aduna. Teeŋti he waynooɓe no Nelson Mandela mbaɗii golle joginooɗe terɗe he saha mum'en, ngollii golle pattam-lamiije ", So haɓaade nanondiral he njuɓɓudi renndo artirde jam he nder ngenndi mu'en. E...

Giɗo am, ka tafanaaɗo cegeneeji kaŋŋe, kaŋŋe oo ko innde, dimo oo ko golle, bajjo e yontannde leñol, giɗo am ko aan woni kaŋŋe dimo, kaŋŋe oo ko innde, dimo oo ko golle. Dewbo juumo juumtuɗo hakkille, daɓɓo daande mo raɓɓiɗaani hakkille, ciforteeɗe dewbo kaŋŋe, kaŋŋe oo ko innde, dimo oo ko golle “So mi miijiima giɗo am tan gite am tan puccitoo gonɗi wala-lala wala-lala haa waalto e becce am dewbo juumo juumaajo ɓernde juumtuɗo konngi. Aan tan woni giɗo am, mo peccumi giɗli goonga e ɓernde am, ɓalel ngel ina ŋarɗi no kaŋŋe dimo, gite ɗee ina ndanwi no fedannde kosam, juuɗe ɗe ina keelɗi no ndiyam maayo. Somi miijiima giɗo’am mi miijo geɗe’am giɗo ko taawnuɗo mbaydi golle mum e haajuuji am, jiɗɗo giɗli goonga taawnoowo mbaydi am, kaaloowo kala e sahaa innde am. Giɗli goonga ngimmii koto allaahu joommen tabitinoowo ngootaagu giɗli men bellitoowo yiɗde men jaŋtotooɗo malal men, haa jaŋtoo nafooje giɗli men. Giɗo’am sahre nde ina weli kam kono mi wonaa keddotooɗo e mayre, noddanam ...

Jaɓɓungal Ceerno Aamadu Tijjaani Bah (Ahmadu), ñalnde 7 dewo lewru yarkomaa (Octembre) hitaande 2018 boowal laaɗe diwooje Orly “Saganke yettaama ceerno yottiima jam he kisal ". O wayniima wuro teddungo ngo madiina gunaas, wuro ceerno seek siraaji diini seek Alh Muhammadu saydu Bah omo wondi he sete makko, seerenɓe wallodiiɓe makko gollude diine lislaam, dental ngal jaɓɓiima ceerno jaɓɓungal jooɗngal paayodinngal, denndaangal madiina gunaasnaaɓe eko taari ɗum, pulaagu ngu fof he kuuɓal, ɓe Moritani mali” lowre damga boosoya yirlaaɓe, ɗoon haa ɓunndu, he fuuta o fof nootiima he keewal ngam jaɓɓaade kaliifa tedduɗo o, taanum ceerno Alfaa hammaad BAH “Seydi Bah seydi Bah ladde wontii wuro. Nde ceerno naati boowal laaɗe diwooje ngal o bismaa he nder juulirde nde, o salmini calminaali makko tedduɗi uurɗi fayde he renndo ngo, o yottini kadi calminaali makko...