Nguurndam lekkuule.

Ñalnde njeslaare 8 Juko hitaande 2018.

Ngal natal ina woodi ko tinndinta e geɗe ceertuɗe to senngo ngonkaaji, sen teskiima eɗen mbaɗi binndanɗe e nder natal ngal ngam teskinde ko natal ngal jogori fillaade, he filla teeŋtuɗo”, lekkuule ceertuɗe ndiyam, ɗam bempeƴƴe mum ceerti dillere. Piindi lekɗe njooɗndi e nder mayri ina seerti ndiyam, teskoɗen ɗam ɗoo (ndiyam) ,kaalata ko nanbdugol mbaadiiji piindi ndi e lekkuule ɗe; teskoɗen asamaan o ina ƴiiwi ƴiiwoonde, walla mbiyen ina waɗi duule ceŋondirde ɗe, e nder majje aɗe ceerti nanndugol, won e majje ina ɓawli, yoga heen ina ndanwi ellee ƴoogɗe ndiyam.

CEERTUGOL TAGO.

Ko adii tigi-tigi eɗen cifoo ngonkaaji natal ngal en ngarat seeɗa e semmbinde janngoowo o tawde o fuɗɗiima roɓindaadee winndannde nde ala-e-sago mbaɗen jooforɗe, so tawii o janngii tig-tigi winndannde  nde maa o waaw faamde ko njiɗɗen joofaade.

TEEŊTINDE.

Tawde tigi en paami joomiraaɗo ko jom semmbe, karallaagal makko omo taga tago makko renndungo yumma gooto kono tawa ina seerti ngonka, to dillere, to ngonka, to nanndugol eto sifaaji ƴellitiiɗi paamen tan eɗen poti ruttude miijooji men allah alaa ko ronki so wonaa ko muuyaani woodnude. Aadee en ko noon ciforii ɗo e nder winndere nde moni kala ina jogi jiyɗe ɗe njiidaa e jiyɗe goɗɗo o, oya ina jogii nanɗe ɗe njiida e nanɗe goɗɗo, oya ina jogii poofaali ɗi njiida e poofaali goɗɗo o, oya ina jogii hakkilantaagal ngal jiida e goɗɗo o”, ko ni joomiraaɗo o fecciriti ɗum feccere heen kala ina timmi timmugol kiɓɓungol. 

SAHAA GOOTO.

Waɗii sahaa gooto mbiɗa yeewtida e musiɗɗo gooto, ko minen ligotto nokku gooto ko o capaato maroknaajo omo laaɓndoomi ko fayti e laawol seek Tijjaani RTA : o wiymi heewi e senegaalnaaɓe arooɓe toon ngam waɗde Jiyaara ngam ɗo seek Tijjaani ɗo won heen ina ndokkira hadayuuji ekn. o wiy ɗum wonaa laawol sibu laawol seek Tijjaani ngol woodaani kanko de o yahdaani heen, sibu o dallinori tan ko Nulaaɗo allah gollaani ɗum. oon njalmi mbiymoomi mami jaabte : ndokkumoomi dalillaaji seeɗa wonde kala mo gooŋɗinaani allah ina waawi waɗde kala ko welaa eɗo o welaa eno weliraa oon waawata gooŋɗinde ngol, sibu kongol laawol sunna Nulaaɗo allah s.a.w. sibu woni e maggol ko, Astaghfirullaah e Laa-ilaa ha-ilallaah e salaatul-faatihi te ko ɗum malaykaaji e jinneeji e yinɓe haa yottii baaba Aadama a.s.w. ndewratno allah, mbiymoomi so tawii aɗa suusi yeddude ɗo anndu wonaa miin njedduɗaa ko Geno; O fuɗɗii jebbilaade anndude tan wonde allah alaa ko hori e muuyaande makko, omo muuya kala ɗo welaa.

Jubbannde seeɗa.

So tawii lekɗe ceertuɗe en njiy e jiyanɗe men timmuɗe, tawa ko lekɗe ceertuɗe piindi e dillere haa e nanndigol ndiyam majje, ina hollira en wonde allah ko kattanɗo e gollude kala ko o welaa, yaama ñalawma darnde sen taccii leeɓol siraaɗi maa en njiy e jiyanɗe men geɗe ceertuɗe ngonkaaji so hawrii e weleede allah jom binnde tagɗo daarti e daartoowo, tagɗo jime e jimoowo, jom semmbe mo puɗɗe saka goortorɗe yoo taas en e barke Muhammadu ɓurnaaɗo tago mo kisal e yurmeende mum woni e makko, o tassa en e barke ceerno men seekana Ahmadu Tijjaani RTA yoo allah taasa en e barke : ceerno men seek siraaji diini seek Alh Muhammadu Saydu BAH e barke ceerno Ahmadu (Aamadu) Tijjaani ceerno mawɗo ", E barkeeji moƴƴuɓe men darinooɓe darnde ɓamtude diine lislaam e haɗde pankare e geɗe tonngoojeen kaɗa en ɓamtaade, tonnga en kaɗa en ƴellitaade nde tawno ƴellitaare ɓurnde timmude ko diine.

JAAROORE

Ceerno Mahmuudu Jalaalidiini Bah, mo mbiyeten Jaalal leñol ganndo binndi winndiyanke mo ngannduɗaa ina tinndina, ina janngina ina findina, ina haɓoo majjere e humambinnaagal, C Jalaalidiini Bah ko sewnde ɓuloore ɓulam njaajɗam ɗam ŋakkere mum ɓulngo weeɓaani CJDB ko ganndo ganndinoowo keewɗo nehdi kaaraysire cuusɗo caasɗo", biyɗo aduna ko galle mehre, tunngen gannde pelliten gollanaade allah, biyɗo dental woni doole keɓɓitorɗe maggal ko nanondiral e dow potal seydi Bah ɓiy Alh Ahmadu Tijjaani Bah kaliifa tedduɗo mo Madiina Gunaas wuro diine wuro sunna tabital pulaagu laamorgo Tijjaaniya.

Kuɗol Ngenndiyanke Joob gorko mo Rabat, Madiina Gunaas.