Nguurndam Pulaar

Ndee winndannde winndaa ko ɗo e Senegaal. Ine waɗi haalannde e yimre, janngu paama! Maa dañ heen ko aɗa tiimtindoro, walla ko ada janngito e nder hoyre ma.

Nguurndam Pulaar ko nguurndam men, maayde Pulaar yoo Geno daɗndu kono ɗo ɗum boomaare men. En ngalaa ko eɗen njogiti so wonaa Pulaar e haɓanaade ɗum. 

Laamu leydi Senegaal, fayndaare maɓɓe ine ɓosa no moƴƴi, kartal biyateengal (Yaakaar) ngol konngol hanti hay sinno ko Pulaar ngol dolaama e ɗemngal wolof. Jooni ngaal kartal ko keɓirgal kopporeeje mbuuñaari ndi Makki Aamadu buuɗi Sal rokkanno denndaangal ɓiyi Senegaalnaajo kaanduɗo e ndiin mbuuñaari. Teeŋti ɓeen ɓe ngannduɗaa ko famarɓe doole. (Bourse familial). Ala e sago ƴeewen no kanndoriɗen ɗee caɗeele sibu layngo majje ine ɓosa no moƴƴi, ɗemngal wolof ngal anniya maɓɓe natti tan e haala walla bayyinaango yottiima e golle. So tawii ko goonga ngal ɗemngal ngal kaɓantoɗen ngal ina goongɗi e men ! So tawii e naati geesol mawngol ngol (google) njiyata ko ngaal ɗemngal e nder google, woto ngoo luukaango men haaɗ tan e ɗemɗe walla e binndol. Eɗen poti waɗde dillere, (hitowol ngenndiwol) saltaade ndee fenaande lumminiinde feertunde gite eɗen pawi heen. --> miɗo goongɗini ɗeen jaale kerɗe mbirniima heddii ko pawbi ŋaakooji e hakkunde karaaje njaafoɗon ! Yontii mojobere huuɓtodinnde waɗe caltoɗen ko jaɓano jarana en ƴiiƴam rufde jarana en ngaandi aaraade, jarana en gite loƴñiteede, yoo jaran en aññeere e añeede --> 

So en maayi en maaytata.

Wakkaade en hudusuru.

Jogitaade en lootam.

Jogitaade en kasaŋka.

Maayde en ɗo ɓadti. 

Mudeede e makka.

Yolleede e makka.

Tuufeeje ɓe pala en.

So heɓaaki njoorndi ɓe njoorta en.

Ha tiiɗa ɓe kasba en.

 Sabu Pulaar nguurndam yoo his en.

Darnde yoɓe njiyi en.

Galle laamorgo pellital yoɓe njiyi en.

Maayde ko gootol so en maayi en maaytata.

Ngoppen ɗee gubbe pellital haɗi en.

Falii en sarii haɗii en, hay gacce feccii en.

Pelliten kala paliiɗo Pulaar paloɗen.

Kaɗen ɗum nguurndam jeyngol mberloɗen ɗum.

Docotte nduñtanen ɗum. 

Ha guc-gucca ngaandi ngaaren ɗum.

Palen ɗum e moggaaka palten ɗum e peccaaka. 

Leydi e nguurndam ko ko rennda.

Palɗo ɗemngal men fof e aññeere palen ɗum.

Geno noddi baaba men Aadama e Pulaar annduɓe njaɓi ɗum.

Noddi yumma men hawwa ngannde njaɓi ɗum.

Reɗɗi toon Pulaar reɗɗitii toon joom en Pulaar.

Tagi haajara jibini Isma'iila.

Tawreeta ko tawreede, nde jippii e Muusaa gannde ina njaɓi ɗum.

Jabuura ko Pulaar njannge mi firana en.

Piren ɗee gannde e Pulaar ndewen ɗe.

Caloɗen caltoɗen.

Paloɗen paltindoɗen.

Kala gaawɗo e ngol geesol so wonaa e Pulaar silaama daande codditen ɗum.

Woto ngoppiden-ɓe e wejo ngo Pulaar ngaawen.

Lumminen-ɓe e damuɗe ɗe paddoɗen-ɓe.

Kanndoɗen haa tiiɗa laɓɓe njuwen-ɓe.

Kala biyɗo ine wara Pulaar silameeje cilkiten ɗum.

Maayde am e Pulaar njiƴƴin-mi ɗum.

Tenngu renngu ngam ɓamtaare Pulaar pellitan-mi ɗum.

Jolfel timmaani mi innde leñol saka feggami e nder mum.

Yaa aan Allah padɗo min e damal gaññeeje.

Padtiiɗo min e leeɓol siraaɗi.

Kanndiiɗo jeyli e ger-gerte mum.

Peŋɗo caalli aljanna e ilooji mum.

Sabu Nulaaɗo amen Pulaar yaa hisnu ɗum.

Sayku Tijjaani duwaawu jaabi e innde mum.

Yaa wuurnu Pulaar tabitinaa ɗum.

Nguurna wuurnooɓe Pulaar ɓamtaa ɗum. 

Kala biyɗo ine wara Pulaar kasba ɗum haa tiiɗa jeyngol laakara mberloɗaa ɗum.

So laamu ngu daraniima warde Pulaar njanfoɗen ɗum laɓɓe njuwen ɗum

Koccen fetalaaji pellen ɗum.

Piyane yoo kaac jam gasi bone yoo en ndook ɗum.

Jolfe e nder geese yoo maay ndaranoɗen ɗum.

So en ndoŋki yoo daraniiɓe ɗum piyane yoo kaac e nder mum.

Haŋki en kulaani en pellit ɗum.

Hannde maayde en ndoganat ɗum.

Kala daraniiɓe warde Pulaar en kulaani ɗum.

Cilenɓe cilkitenɓe.

Hakkunde maayo njollenɓe.

Gabi e cide cilaɓe cilkitaɓe.

Halkooɓe Pulaar e falotooɓe Pulaar mbaren ɗum.

Min ndoondooɓe haa dow min pukka ɗum.

Min njarnaɓe ƴiƴiiri.

Tooke mboddi min koƴaɓe ɗum.

So ɓe cikkaano nguurndam pulaar min pennaɓe ɗum.

Kuɗol Ngenndiyanke Joob

Ñalnde njeslaare 12 lewru Mbooy 

2024