Tiitoonde: Ngaandi kisndi

Ngaandi ndii ina luggiɗi ɓeto ndaŋaldi mayri ina tiiɗi.

Ngaandi ko ƴiiwtotoondi njirlotoondi ɗaanotoondi.

Ɓernde ceŋondirndi.

Gite ceŋondirndi.

Mbertiindi weñ-weñngo baal-waalte teeɗiindi.

Suddaade ndi, moggaade ndi.

Ɗaanotoondi terɗe ɗaano koyboo.

Ɓernde wuurnde e ngaandi seŋiinde.

Miijo luggiɗii, miijo weñii weñtindii.

Jattindaade en to tiiɗi, lumminaade en to waggiɗi.

Suutde en ko teddi, waasde en suutde ko teddi.

Lugginoɗo e ɗii konnguɗi no moƴƴi !

Ngaandi waggiɗi wookoƴere miijo semmbaani.

Ngaandi herndi miijo waawti.

Suɓtaade en ko moƴƴi.

Suɓtaade en ko yooɗi.

Suɓtaade en golle.

Jaggude en e golle, seŋande en ɗe labangal.

Ngaandi luggiɗi toowi wimmbaaje yawtitii.

Ngaandi luggiɗi yaaji ŋore maaje nder mum yawtitii.

Jibini miijo dow mum yawtitii.

Faggii ganndal dow mum feƴƴitii.

Ngaandi ko jir-yirngal ko naati e mum fof yoolaade miijo en njawtitii.

Ngaandi ko kulle ɓiƴ-ɓƴndirɗe nder mum ɓiƴotirooje nder mum gorworooje.

Celbam nder mum lawotooɗe.

Deestotooɗe nder mum deeltotoɗe.

Haa kawtina kawtitinooje jir-jirɗe jirlotooɗe.

Goobooje ngaandi kecciɗina miijo mballifoo ganndal.

Njiyoori ngumndi, ngumndi njiyoori.

Ngumndi njiyoori ko saatu nde gite mum ɗaani.

Njiyoori ngumndi, ndi yiyataa e peeñdi kono ko njiyoori e miijo.

Njanngoori pinal e ganndal.

Njanngoori renndo e neɗɗaagu.

Pilñitantoondi jiyanɗe ɓosnoori.

Ngaandi so ñawii miijo ñawi.

So ngaandi sellii miijo sellii.

Ñawoori e nder haala feeñna en.

Kisoori e nder haala hisna en.

Waggiɗoori e nder haala usta en.

Teddungal ɓiyii Aadama sabu tago mayri Geno teddini en.

Rewni e Nulaaɗo defte e njannguɗen.

Deggondire tagooje gila e Annabi Aadama defte njannguɗen.

Miijo luggiɗi e nder ngaandi nawti en.

Rommini en toon rommitini en toon.

Miijo moƴƴi moƴƴini ɓiyi Aadama.

Miijo boni bonni ɓiyi Aadama.

Ganndal e mayri mahii.

Miijo e mayri seŋii.

Nanɗe e mayri seŋii,

Ceŋiɗen e ndeen seŋoode mahiɗen.

Tagooje ɗee ina keewi tago majje ina ceerti.

Nuuhu ardinooma yoga e tagooje njawtii.

O eewniiɓe e annabaagu diine o jannginii.

Won heen pergitii e diine makko koongu ngabbitii.

Peri laabi celɗi diine jalkitooji.

Peŋti dewto-ngoraagu, diine njalkitii.

Nuuhu waaji waajti kono ɓe nanaani.

Muuyɗe muuyti tan balaahu Geno jippinii.

Boomaare e maɓɓe o yandinii.

Halkaare e maɓɓe o wondinii.

Nulaaɓe o nelii annabaaɓe e men nule njottinii.

Ɓe caati en e defte binndanooɗe gila e dewrewe nnguundameeje ɓe caatti.

Nulaaɗo nulaa Muhammadu o innaa.

O waɗtindii garwano tago e defte en njanngii.

Diine jaali yaynii annoora annabaagu Geno huɓɓi.

Fiyannde fetti añɓe ngulli luuki kono dow leydi ɓe ngari aɓe ndoƴƴii.

Diine feɗɗitii yaynii no koodal dow ndoogu falii.

Muhammadu gooto cuɓtaaɗo koohoowo hohooɓe defte jannginooje en Diine lislaam kuɓɓii.

Ngaandi ko cariindi caakiindi jannginoori en pinal tottoori.

Goodal Geno ngal ko ceningal.

Kollirngal tago maaje he leyɗe ɗe puɗfuɗe mum nganndotaako.

Weeyo e higgu mbaylotaako.

Ceŋondiri ceŋtotaako.

Luukde en to ɓadtii.

Luukde en ɗo woɗɗiti ndoogu nguu ɓaɓɓittaako. 

Kaaɗtuɗe amen e njettooru Nulaaɗo min mbaylotaako.

Kuɗol Ngenndiyanke Joob

Ñalnde hoyre-biir 23 Siilto 2023