Ngenndiyanke Joob

Ñalnde mawbaare 9 lewru Seeɗto hitaande 2023   ''waala Fenndoo''. » yiɗde ngenndi mum ko e neɗɗaagu jeyaa. Yiɗ ngenndi maa, njiɗaa yiɗɓe ngenndi maa, njiɗanaa yiɗɓe ngenndi maa. Janngu Pulaar njannginaa Pulaar. Pulaar ko ɗemngal am. Ko ngal paarnoriimi e nder ngenndi am. Ko Pulaar e fuuta woni faaro am. Fuuta jaloŋ fuuta maasina pulaar yonii-kam. Adamaawa jaalɗini Fulfulde e coñce mum. Mi arta fuuta tooro e kaanaŋkeeri mum. Saydu Kan sifii ngoo maayo e keeri mum. Ɓaari maayo haa yottii ngenndi mum. O tafi aadee mbaydi e fergo mum, o tiiɗtini ngootaagu aadee e ngenndi mum. Tekruur jaɓɓii fulɓe e ngenndi mum. Jawoogo Mannaa taaga Termes haa yottii satigi e laamu mum. Ceerno Suleymaani Raasin Baal Ɓoorti wutte maccungaagu e nder fuuta mum. Wiyi dimo alaa diimaajo woodaani. Ndimaagu neɗɗo fawii tan ko e golle e moƴƴude baɗle. O tafi konu ndoondiingu ƴiiƴam mboɗejam e ndanejam. Mboɗejam ko ƴiiƴam ndimaagu. Ndanejam ko ƴiiƴam aadi e enɗam. Fof ko jaalɗinde ngootaagu aadee e n...

Ñalnde Njeslaare 3 lewru Duujal hitaande 2023 Sabaabu peccegol fulɓe, ko sabu peccugol koye maɓɓe. Ndee ɗo winndannde ina waawi wooda mo nde yuwi, so tawii ko o caliiɗo goonga. Ngam miijtaade hinnde nde o woni ndee, ndee winndannde ari ko ittude mo e kaan ngonka. Maa en njubbu e caɗeele fulɓe, teeŋti noon e ɗee kinɗe garɗe lohnude nguurndam renndo men. Maa en ndokku heen yeruuji laaɓtuɗi, sibu Pulaar wiyi: kosam nebam ketungol, tawe, ɓiraɗam denndaangal ɗee kinɗe ɓiraɗam fof njalti ko e nagge. Waɗde pullo fulɓe, pulaagu fof njalti ko e leñol ngol.  Sabaabu goodgol kinɗe ɗee? So tawii tafnooɓe kinɗe ɗe tafirnooɗe ko ngam haa leñol ngol waawa jokkondirde enɗam; leñol fulɓe ngol waɗi ko kinɗe sappo e ɗiɗi:  pullo, tooroodo, baylo, maabo, sakke, gallunke, ceɗɗo, gawlo, jaawanndo, labbo, bammbaaɗo, sarif:  ɗee so a teskiima alaa to njahata e nder duunde baaba Aadama nde tawa a tawataaɗe toon, waɗi noon ko ɗe mecce, ɗe ngonaa kinɗe tafaaɗe ina tafiraa ngam ceerndugol renndo ngo...