Daartol nguurndam neɗɗanke

Sammba jaatara e Yero Pullo !

Ñalnde hoyre-biir 18 lewru Mbooy hit 2023

Jappu noppi ma no moƴƴi, mbele mbaawa tigitigi janngude ndee winndannde jogornde arde yeeso maa ɗo nde. Ko daartol jannginoowol, ko ɓenni e ko wonaa, e ko fayi arde. Tinndin-maa janngin-maa siftin-maa fof tan ko ngonka aade ngol haaltata; teeŋti noon hakkunde ɓeeɗo worɓe ɗiɗo (2) yontaaɓe « Sammba jaatara e Yero Pullo tesko no moƴƴi ko fuɗɗa haaleede e maɓɓe koo, walla ko fuɗɗaa sifeede e golwole aade, noo foti wuurdude e nder nguurndam makko ko o haani teskaade ko ɓenni e ko wonaa, e ko fayi arde: jogiima jeese tati yeeso adanngo ngo, ngo haalata ko ko ɓenni nde tawnoo kala nguurndam nguuraɗam ina jogii sifaa mum e jaati mum, e ngonka mum, kadi kaan ngonka ina jogii ko haalata e tawaaɗe mum; njahaaji ngartaaji mum. Ngonka ngoɗka kaa haalata ko nguurndam hakkundeewam ɗama ɓennii ɗama suwaa arde, firti won ceertuɗi gonɗi ɗoon sibu nguurndam ɗiɗam-ɗam ɗaam ko nguurndam hakkundeewam, (lommbiɗam)'', ɗama nguurndam e sifa mum kuɓindagol cañu kaan ngonka e mahaade e coñceeri makka. Nguurndam payɗam arde kono ɗam ɗoo nguurndam en njuutnotaano heen sibu maa winndannde joofoyo ɗum so haaji ɗo Geno. 

 Durnu miijo, tawde a fuɗɗiima roɓindaade no moƴƴi.

Sammba Jaatara e Yero Pullo: ko sehilaaɓe no feewi ɓe meeɗaani seertude e nder nguurndam maɓɓe gooto e maɓɓe fof ina yiɗani goɗɗo o ko yiɗi koo. Sammba Jaatara noon Allah waɗi jinnaaɓe makko caŋkiima ko ɓooyi, sibu baaba makko saŋkii tawii omo yahra e duuɓi 2 ko saabi o anndaa baaba makko kadi o dañaani innireede baaba makko sibu tawii o jibinaama haa o dañii duuɓi 2 > pulaar wiyi waɗi innde luuti nde ko jibineede caggal jinnaaɓe mum. Yeru » cukalel dewel inniree neene mum ko wonde mo luuti nde, ko hono noon kadi cukalel gorel innireede baaba mum ko waasde tawde mum aduna. Ko ɗuum addi innde luuti nde. Banndiraaɓe musiɗɓe tedduɓe, kono wonaa toon payɗen tawde janngoowo o fuɗɗiima tigi-rigi huɓindaade ko o janngata koo waɗde en njaajnotaako e rokkude yeruuji sibu ndee winndannde ko nde deftere so haaji ɗo Geno (haatumere)'', tawde en puɗɗinooma ngol daartol, heewi e sehilaaɓe men ina laaɓndo en yoo en njokku daartol ngol sibu puɗɗooma heen dañde faamamuya, weltaare mawnde e daartol Sammba Jaatara e Yero Pullo''. » daartol jurmitiingol kono kadi ko dokkoowol faamamuya e nguurndam aade. 

ko ardii fof puɗɗaniiɗo en ngol daartol ngenndiwol jaabtinoowol tabitinde enɗam pulaagu e renndiyankaagal mum, wonaa haalde hoyre mum; kono noon eɗen cuɓii anndinde renndo ngo holi o gorko pullo. » Ngenndiyanke Joob: yiy aduna ko mawnde ina hawri e ñalnde 19 lewru  Siilto hitaande 1985 e wuro makko teddungo ngo Rabat, ngoo ɗo wuro hoɗi ko hitaande 1960 ina hawri jeytaare ngenndi Senegaal. Ngoo wuro hoɗi ko e diiwaan Madiina Gunaas, hakkunde maggo e MG ko cooynanɗe jeeɗiɗi (7)''. » ndee ɗo winndannde jeyete ko e tiitoonde roɓindorde e daartol ngol njogorɗen winndude ngol, maa wood ko battini e nder ngol daartol Sammba Jaatara e Yero Pullo. Heppu ɓeydu tigi rewindaade daartol ngol maa wood ko njiyoyɗa ko ina wona sabaabu haa ndañaa dakamme mawɗo e yiɗde Pulaar e yiɗande Pulaar to senngo ɓamtaare eknh.

Eɗen naatata daartol men:

Sammba Jaatara jeyaa ko e leñol ɓurngol waasde (famɗude doole), ko ɗuum waɗi daartol men ɓennungol en njiyi o waɗii ngaynaaka, caggal ɗanngal makko. Gila ɗo'o accuno debbo makko ina sowi haa debbo o jibini caggal makko sehil makko Yero Pullo inni ɓiɗɗo o, tawii ko ɓiɗɗo debbo wonnoo haa ɓiɗɗo debbo yonti dewgal o resni ɗum tawii yontii ƴamal. Sammba Jaatara yehii ko ina tolnoo e duuɓi sappo pawɗi nanaaka yiyaaka, o nelata o neldata, omo woppuno joom suudu makko ina sowii, haa oon jibinii biɗɗo debbo; caggal ɗanngal Sammba Jaatara ngal juuti o dañii duuɓi sappo pawɗi o nanaaka, debbo makko tampii hanti yiyde mo, kono winndii ɓatakuuji sarii ɗum e diiwanuuji maɓɓe'', » nde tawnoo oon tuma ɓoggi cinndon ngalaa, ko ɓatakuuji tan winndate saree e doŋreeji maɓɓe ɗii. Debbo o yehii to sehil mum joom galle makko ngam wullitaade wonde kanko dey o tampi fadde tawde gorko makko ɗanniima duuɓi potɗi ni artaani jooni yo o wallumo dewgal ngal itte, hanti o ƴeewa jiɗɗo e mo o yiɗi ɓe ndesondira, ko ni Yero Pullo felliti yahde ceernaajo gooto habri-mo nguurndam debbo o wuuri ɗam, nii ceerno o yamiri itti dewgal ngal. Geno hoddiri, sahaa fof debbo o arat ƴameede, Yero Pullo wiyi debbo o jooni dey aɗa anndi ko joom galle resndunoo kam gallo makko o, jooni ko ɓurmi yiɗde ko restude ma, tawde joom galle ma ina ɗaminaa ko o maayɗo hanti mi restu-ma tan mi jogo ma, kadi mi suurma sibi joom galle ma komin sehilaaɓe, Geno hoddirii o yehii fotii ni o artaani haa dewgal makko bonnaama njiɗmi ko humande ma, debbo wiyi mo dey maataw ko kodde njani e kosam aɗa anndi mi añaani ma sibu mbiɗa anndi leñol mon fof wonaa baasngol. Tawde so a resiikam aɗa waawi kam mooftude baasi alaa heen. Debbo o wiyate ko Pennda Jaatara'. » o jooftina ko e innde joom galle makko Sammba Jaatara. 

En mbaɗiino heen ciimtol, no Sammba Jaatara yahruno ɗanngal haa o arti o tawi debbo makko o sehil makko o restii ɗum. Ñalnde debbo o dammbotoo nde Yero Pullo artuno wuro mum en tawii nantiino sehil makko o ina jogoro restude debbo makko o, tawii o jofti ko ñalnde dammbordu ndu. Ngol daartol ina yurminii sanne'', » nde Sammba Jaatara naati galle o tawii galle o fof ina heewi yimɓe, ko dammbordu joom suudu Pennda Jaatara, nde galle o yiy Sammba Jaatara tan ɓe ñoori kamɓe fof ɓe ndogi, Sammba Jaatara wiyɓe ngaree gaay, kamɓe fof ɓe ngarti, o wiyɓe mate wonaa dewgal ngarɗon ɓe mbiyi eey, o wiyɓe kurtotooɗo o, e kurtinoowo o fof ko miin jeyɓe, sibu Yero Pullo koo sehil am, kadi ko o heeñere am. Kurtotooɗo o mbiɗa anndi ɗum, ko o joom suudu am kadi ko o sehil am koɗɗo e nder ɓernde am. O yehi, o noddoyi Yero Pullo, o wiyi Sammba debbo o mi ɗaldiima, sibu ko njaltumi galle o, ko aan joginoo ɓesngu am ngu, ko aan reenno kisal maɓɓe, jogitino kala tampere maɓɓe. 

Ngenndiyanke Joob