Daaka Madiina Gunaas

     DAAKA MADIINA GUNAAS

Daaka jooɗa ko ñalnde Hoyre-biir 4' Mbooy 2023''. Daaka ko luulnde Aadayankoore (Alla-yankoore)

.         Daaka Madiina Gunaas 

Daaka jooɗiima ñalnde hoyre-biir nayi (4) lewru mbooy hitaande 2023'', e gardagol kaliifa men tedduɗo o, Ceerno Alh Aamadu Tijjaani Bah RTA''. Ndee nokkuure (luulnde) rewirnde Geno toowɗo tedduɗo o, nde ngannduɗaa ko seniinde, heeriinde, laaɓnde, timmunde to dewal Geno toowɗo tedduɗo o.  Ceerno Alh Muhammadu Saydu Bah: o wiyatee ko Ceerno Siraaji Diine, baaba makko wiyatee ko Saydu Alfaa Bah, ko waɗi o wiyaa Muhammadu Siraaji Diine, o jooftina e innde baaba makko RTA''. Kala noon ɗo wiyaa Ceerno Mawɗo ina anndaa ko kanko wiyatee Ceerno Mawɗo RTA ''. Ceerno Siraaji Diine Seek Alh Muhammadu Saydu Bah yiy (jibinaa) aduna ko hitaande 1900 to cikkitte e nder yirlaaɓe diiwaan Podoor, walla laaw. Ceerno Saydu Alfaa ina anndaa nguurndam tiiɗɗam ɗam o wuurduno e Ceerno Seek Muusaa Kamara to Ganngel sule, cehilaagal eto bannge diine, sibu ko ɗoon Ceerno Alh Muhammadu Saydu Bah naati jaŋde mum alɓuraanil kariim ndee laawol mum gadanol. Ndee winndannde noon wonaa wiyde ina naata e nguurndam ooɗo jeyaaɗo Allah, ko jubbude seeɗa e nguurndam makko tawde janngoowo winndannde ndee o fuɗɗiima tiri-rigi jappude nopoi e moɗtaade (huɓindaade) taarik nguurndam Ceerno mawɗo walla nii mbiyen ndee ɗo luulnde Aadayankoore tawii ko fuɗɗaande waɗeede gila hitaande 1942'', sibu Daakaaji keewɗi ndaakanooma e nguurndam jiyaaɗo Allah tedduɗo o. » daaka Rabat, Daaka sunnatu, daaka abiisama'uuna, Aynimaadi,  neema, bustaan, Unufani'', Daaka Rabat ko hedde kitaale 1962 eknh'', hannde o ɗoon wontii wuro ango wiyee Madiina-kayri (h) won kadi wiyooɓe ngo Dammba-Kummba. Nde tawnoo wuro ngo kamɓe demmbuuɓe ina njeyano e adiiɓe jaɓɓaade ceerno mawɗo RTA e nder diiwaan Madiina Gunaas. Banndiraaɓe jogorɓe janngoyde ndee winndannde ina waawi njiya heen joopanɗe taarik nguurndam Ceerno Mawɗo RTA'', kono wonaa ɗuum wonno fayndaare men, ko dallinoraade tan e Daaka daakaaɗo e ndee hitaande nayi lewru mbooy 2023 ina hawri e  15 lewru Sahbaan hitaande 1444 caggal fergo Nulaaɗo Allah Muhammadu mo jam e kisal ngoni e mum oo. Yoo Allah ɓeydu njurum kisal e dow makko (Aamiin)''. 

Ceerno men Alh Muhammadu Saydu Bah RTA'', » yehii o acciri en ñaamo makko giɗo makko sehil makko dono makko, kono kadi mbiyen dono Nulaaɗo Allah (mjkm) dono ceerno men Seek Aamadu Tijjaani Sarif RTA (h) dono seerenɓe moƴƴuɓe RTA. Ceerno Alh Ahmadu Tijjaani Bah heɓɓitii golle ɗee ''ronti jappeere kalifaandi galle o''. Haa ñalawma hannde kala ko Ceerno Siraaji Diine Seek Alh Muhammadu Saydu Bah accunoo ɓaawo makko ina rewi laawol, kadi o waylaani ɗum ko foti gabbel. Tawii omo wondunoo e mawniiko ceerno makko giɗo makko, Ceerno Muhammadul Mansuur Ibnu Ahmadu Baro RTA'', » 

.      Ceerno Muhammadul Mansuur Baro:

Ko ɓee ngoni ngal dental, ɓe cañingal cañu keeriingu haa no jinnaaɓe maɓɓe njiɗirnoo ni, walla mbiyen ko ɓuri ɗoon. Haa e hitaande 2006 fooftoyi acciri dental ngal miñiiko giɗo makko sehil makko, hono Ceerno Alh Ahmadu Tijjaani Bah RTA''. Tawii ina wondi e miñiraaɓe mum ceerno Seek Ahmadu Tijjaani Baro, ceerno Ibnu Umar Bah RTA'', ceerno Alh Maalik Baro, ina wondunoo e Ceerno Abdul Aziiz Bah RTA'', haa kanko ne o fooftoyi e hitaande 2018 e hajju makko Makka mbaɗtindiingu e ndee hitaande nde yejjittaake, njahnooɗo ina nawi yimɓe makka arti ina artira, yurmeende Geno heeriinde yoo won e makko sabu barke alɓuraanil kariim. Maa en mbaɗoyi binndanɗe keeriiɗe tawa ko haalde nguurndam Ceerno Muhammadul Mansuur Baro tan, ɓe ngannduɗaa ina ngollani leñol ngol golle maantiniiɗe e nder Diine islaam. nguurndam Ceerno Alhajji MUHAMMADU SAYDU BAH'', wiyeede yoo winndu nguurndam oo jiyaaɗo Allah wiyaa ko yoo winndu nguurndam aduna  ! Maa wood ɓe paamaani, kono ko ɗum kaawis mawɗo !   

.              C Alh Muhammadu Saydu Bah

Wiyeede yoo winndu taarik nguurndam Ceerno mawɗo mbiyeɗaa ko yo a winndu feccere e aduna o. Sibu nguurndam hannde ɗam, e nguurndam yimɓe ndeen ko nguurno koo, e renndo hannde ngoo ko wuuri koo wonaa gootum. Dewal Allah ɓuri saɗtude, kono kadi mbiyata ɓuri weeɓde, sibu so a ƴeewi keeweendi aduna hande ndi, ndiin keeweendi haŋki alaano. Etee aduna hannde o yimɓe ina nana kono njiyata, aduna haŋki o yimɓe ina nana ina njiya ko ɗuum tagi ndeen so annabi nelaama e neɗɗo yo o rew Allah so o saliima tan Allah halkatmo, firti waɗde ko oon mudda Diine ɓurnoo welde rewde tawde ko so a rewii tan mo ndewɗaa o aɗa jojjondiri e makko to ɓuri ɓadlaade. Waɗde wiyeede yoo neɗɗo winndu taarik nguurndam Ceerno Alh Muhammadu Saydu Bah hawri o, a tawat wonaa huunde weeɓnde saɗne sibu ceerno mawɗo koo jontaaɗo yoo Allah yoɓtu mo moƴƴere heeriinde sabu barke alɓuraanil kariim. Maa en mbaɗtoyi winndannde heeriinde tawa kaalaten tan ko nguurndam Ceerno mawɗo RTA''.

.   Ceerno Ibnu Umar Bah RTA''.

Yoo Allah ɓooynumo jeese men ɗo, tawa ina wondi e cellal e semmbe (Aamiin)''. Ko o neɗɗo jankiniiɗo, moƴƴo newiiɗo, kaaraysire, diiniyanke, juulɗo kulɗo Allah, jiɗɗo ɓesnguuji juulɓe teeŋti ɓesngu Madiina Gunaas. Ko o neɗɗo fiɓnde tiiɗnde joom aadi. Giɗgol makko e Ceerno Alh Ahmadu Tijjaani Bah RTA'', en mbaawa haalde, hakkee ko o yooli e Ceerno , nde felliti wonde almuudo alaa fof ko o heddi, kanko fof tan o wontu ceerno haa laaɓi cer. Kala ko o dillata o dillata ko e Ceerno, kala ko o yahata o yahata ko yahdu ceerno, almudaagal ngal o wondinii ceerno ngal alaa fof baawɗo wondirde noon ngal almudaagal e Ceerno mum. Waɗde kala almuudo ñemmbata ko Ceerno Ibnu Umar Muhammadu Saydu Bah''. Ceerno Muhammadu siraaji Aan, ceerno Abdul Ajiij Kan ceerno Hammee Kebe e denndaangal wondiiɓe Ceerno fof yoo Allah juutnu nguurndameeje maɓɓe rokkaɓe cellal e kisal. En ndowat ɗo ndee winndannde. DAAKA MADIINA GUNAAS HITAANDE 2023''. » yoo Allah rokku en hawritde ko fayi arde sabu barke alɓuraanil kariim (Aamiin)''.

Kuɗol Ngenndiyanke Joob (Rabat MG SEN)