Laamu ngenndi Muritani

Ñalnde Dewo-biir 12 lewru Colte hitaande 2023 (poissy)

Baaɗi boɗeeji.

Cifotoomi ko golle e sifaaji mum'en.

Ɗi cerintaako e dental ɗi mbelsintaako.

Guddinooji beeli cewle ɓeeɓnooji.

Maamaaje laggotooɗe hay kuɗooli ɗi ñookotaako.

Tommbiiɗi gese oon belsindiiɗo, ko o leeli fof, ko o yaawi fof bonnere majji falaade o waawanta.

Laamu Muritani baɗaate maɓɓe cilatmi cilkitan-mi.

Dilluɗo fof kaalɗo fof e ndii ngenndi fof ƴiiƴam ɓe ndeela.

Nguu laamu lutndiingu potal e dental.

Lutndiingu kawral e nanondiral.

Lutndiingu sariya leydi, lutndiingu sariya laawɗinanooɗo gila e doosɗe winndere-yankooje.

Ɓasngu Muritani kaaldatmi.

Ndii ngenndi penaale mudiindi.

Ɗuum haɗi en dental feŋi en ɓmataare haɗi en e mayri diiñaade.

Jaale tiiɗɗe kerɗe e nder mayri kay ŋakkaani.

Jaambareeɓe suusɓe semmbuɓe kay en mbaasaani ganndal e ɗowngo leydi mbaawka en ŋakkaani. 

Doosɗe tammbatooɗe ngenndi kaɗa ndi wemmbeende en ŋakkaani.

Tammbatooɗe ɓiɗɓe ngenndi kaɗa ndi baasal en mbaasaani.

Ibraahiima Muktaar Saar naange mum ɓe palii.

Rewo e worgo fof ɓe kanndii haa tiiɗi peŋɗe ɓe peŋi.

Fof en ngam laamu potal e ngenndi ɓe calii.

Yoo Allah firtu fenaande.

Yoo Allah firtu joom en penaale.

Firta diiñiiɓe he ndee fenaande.

Firta ɓee faasiqeeɓe borjoŋeeɓe bonɓe cari en dente kiiɗi en he ngenndi.

Ngonti ciile cilkitooje kiiɗa en kaɗa jeyi.

Penaale caakiti he ɓeen doŋreyankooɓe lutndiiɓe goonga luutondiri e goonga.

Maawyaa maaɓi ɓesngu ngenndi piyane kaaci ɓee heen naatna he geƴƴelle.

Yogaaɓe e ndummbirɗi ndummba haa maayi ngacci roofolɓe keddii he baayeyaagal.

Ndimaagu ɓeydii teeltaade, kono min maayaani ɓerɗe amen ina keddii hiilnanaade ngootaagu.

Abdel Ajiij dufɗo ƴiiƴam haɗi en ngootaagu he potal.

He nguykaaji japperaagu  kaɗi en ngootaagu.

Nguu laamu wari en haɗi en ndimaagu.

Ngu suri en ngu surwini en ngu haɗi en ngenndi he ngootaagu.

Ghaswaani gasanɗo en ngaska boomaare.

Ɓe ciri dow ɓe ciri les fof ko ngam haɗde en wonde he woodeede.

Ɓe ndaɗɗi peeje he janfaaji ngam warde en pine he aadaaji.

Gelongal wullu luuki ndeke wonɓe paamaani.

Kono so en ndeenaaki nimsa en ngoɗɗaani. 

Pulaar ɓe picci haa dow ɓe piɗɗi kono ɓeen jaasɓe e ngol leñol ɓe piɗɗi he dow leydi ɓe tippi haa tiiɗi ɓe pukki.

Barogal ngal ŋaaki hiiwti fuɗnaange he hiirnaange ndi hiiwti fof dilli.

Hammee Lih tinndi daarti fof o daarti gila he Ɗalee mawɓe ndeena ciimtol o waɗi fuuta fof tindi.

Pinen pindinen so en ndeentaaki ɓee añɓe.

So en ndeenaaki ɓee fefintooɓe.

So en ndeenaaki ɓee tuubakooɓe.

Woɗeeɓe waɗaaɓe sehilaaɓe.

Tuubako mo tuubaani he ngañgu makko o suuɗaani.

Ciree ba cirtee ba ciree baya cirton baa to.

Baa tigi ndooknoomi gaawal ngal woofi baya ngal yani e baa to.

Baɗngal gaawe cilooje heeñere cilkitooje teewu he nguru.

Gaawal Baydi kaccee paam Abee sandee.

Ñalnde ndir-mbojaa Abdul-kaadiri Kan kure petti gaawe ndiiñe he jofe koye ngaari maayɓe ngari ina njoowondiri.

Lamau satigi lattinii hakkunde fuuta he fuuɗooɓe penaale kaɗa diƴƴe he ilooji dogde.

Ɓee aawɓe ngañgu kaɗi en ngootaagu.

Lutndiiɓe saraaɗi ndewi pittaali pittooji jam ngartira jamalun.

Maa fenaande iw goonga heddo.

Maa goonga ñiiɓ fenaande mojoo.

Maa fenaande mojo goonga heddo.

Maa ko wonaa Geno iw Geno heddo.

Maa naange tagge ko wonaa naange momtoo.

Maa leydi tagge ko wonaa leydi momto.

Maa neɗɗo nattu ko wonaa neɗɗo heddo.

Maa Allah heddo ko wonaa Allah momto.

Yoo Geno ndaɗndu baa to, daɗndito ba gah sabu barke buuɗal yurmeende puɗngal he binnde Geno.

Kuɗol Ngenndiyanke Joob