Baaba Maal e Daande Leñol

Baaba Maal e daande leñol :

Mbele ndee innde makko alaa ko nde firtata, walla mbiyen mbele alaa ko nde joofoto e nder renndo ? Maa en ngartu e ndeen toɓɓere. Baaba Maal o diwii wiyeede naalaŋke ŋanaa, sabu darnde makko e nder renndo makko. Baaba Maal.

Baaba Maal: yiyi aduna ko ñalnde hoyre-biir 13 lewru korse hitaande 1953 to podoor e nder Fuuta tooro, Baaba Maal eɗen mbaawi wiyde o tawaani naalaŋkaagu, kono neene ina yimatno oon tuma e nguurndam, ko wayno inɗeeli walla yanngeeji ekn. Baaba Maal baaba makko wonaano jimoowo, hay nde baaba fuɗɗii dartoraade njimri ɗesiino dañde heen caɗeele sibu baaba makko ngam añnoode o wona dartoriiɗo naalaŋkaagu. Hitaande 1989 baaba fuɗɗii dartoraade njimri ko fiɓii ko aldaa e fiɓtaade, Baaba Maal waɗii njilluuji mum keewɗi ngam e nder duunde orop nde, teeŋti e duunde Afrik, e hitaande 2003 potital makko e Nelson Manndelaa mo nguurndam mum fof ina soodtirno piɗtaali Afrik di siid, Baaba Maal jimol mum maantiniingol ha hoyreejo leydi ndii dilli, renndo Afrik di siid fof ummii faɓɓani; Baaba Maal yimi, jimol mum: yellee mboodi hammadi aali siree. E jimol makko baayo'', Baaba Maal sellini fiɓnde mum firtaani gila hitaande 1989 omo jokki njilluuji makko naalaŋkaagu, e hitaande 2010 waɗanooma potite laalaŋkooɓe Paris, Baaba Maal heɓiino tawtoreede ngaal potital, wondude naalaŋkooɓe afriknaaɓe heewɓe, Ummu Sanngare naalaŋke ɓurɗo anndeede to ngenndi Mali tawtoranooma ngaal potital (Stade de France)''. En pamɗirii wiyde eɗen mbinnda taarik Baaba Maal, sibu ko o waraango maayo ngo jogii ko ɗo ngo fuɗɗii, kono ngo alaa ɗo ngo haaɗi. 

Facciro innde Baaba Maal:

Ndee innde ko nde haawniinde sibu so a ƴeewi innde baaba, firti e Pulaar ko neɗɗo gadiiɗo ma yiyde aduna ngam añde innude mo innde makko mbiyaamo baaba so tawii ko o gorko. Waɗde innde baaba ina woɗɗi ɗo ummii, sibu tuugi ko e Aadama (Aleyhi salaatu Waɗ-salaam)'', sibu ko kanko wiyetee baaba, kala lo yalti w makko wiyamo baaba, ngam reentaade innude innde makko njawdiire nde wiyamo Baaba, yoo kisal Allah won e makko (Aamiin) waɗde so a ƴeewi innde baaba Maal e ngoon facciro maa faam ango jogii maana, sibu oon baaba Aadama alaa mo anndaa mo sibu leƴƴi fof njalti ko e makko. Waɗde hannde baaba Maal ina famɗi mo anndaa mo e aduna o ! Firo ɗiɗmo ngo: b ko firata ko ballo,  a dewɗo heen o rokkumaa innde Allah, yeru: b ballo, a Allah. So a renndinii kelme ɗee rokkumaa (ballal Allah), yettoode ndee (Maal) m ko malal, l ko innde leñol rokkata en, waɗde en paami baaba Maal wonaa eɗen mbaawi wiyde sinndo tawiino eɗen cuusno en mbiyatno ko o annabi e nder laanaŋkaagu ! 

FOTDE:

Baaba Maal waɗii fotde mum e nder leñol mum, walla mbiyaa o waɗanii leñol makko fotde makko, alaa ko o heddani leñol ngol e moƴƴere, kala to o yehii o nawii toon leñol ngol, o nawii toon ɗemngal ngal.  Baaba Maal laawol makko cakkitiingol makko (Zénith Paris 19e) wonnoo ko ñalnde hoyre-biir 9 lewru korse hitaande 2015 e ngol laawol makko baaba Maal ina tijjaa zenith ñalnde hoyre-biir 28 lewru korse hitaande 2022 Baaba Maal e daande leñol ko wayrunoo zenith timmii duuɓi jeetati (8) eɗen torii mbajjiri nde juutnata nguurndam Baaba Maal rokkamo cellal e semmbe, sibu nguurndam Baaba Maal ina jogii nafoore tigi-rigi e leñol ngol. Bismilla makko zenith ñalnde hoyre-biir 28 lewru korse hitaande 2022 

Kuɗol: Ngenndiyanke Joob