Ngenndiyanke Joob

Jaari SOH cukalel laaɓa juuɗe ñaamdata ko e mawɓe. So ganndal heewi ngaandi hisii konnguɗi ndegoo, Allah woni jom jamaanu itti jamaanu totti ɗum boobo jom jamaanu. Yoo jam jogo-ma kala to ngonɗaa Ñalnde njeslaare 20 lewru Siilo htnd 2021 JAARI SOH: majjere makko lollinnde winndere e mbaydi kuuɓtodinndi, gila ñalnde aaɓnde tati (3) lewru Siilo hitaande 2021"". Miijooji ceertuɗi miijaama heen nde tawnoo teskaama e makko ko o neɗɗo fannuyanke jom ganndal toowngal caggal yaltude mo duɗal jaaɓi haaɗtirde ngal Seek Anta Joob e nder ngenndi senegaal. (Js) Jaari SOH dañii ceedanteeje mum ɗiɗi (2) to senngo gannde fannuyankooje, ko ɗuum woni sabaabu gummagol makko ndakaaru arde mo ɗoo e Waala Fenndoo, ko ngam jokkude jaŋde makko toownde nde tawii ko e ballal laamu leydi Senegaal. Caggal nde hoyreejo mawɗo leydi Senegaal Alh Makki Sal jaɓɓiimo to galle Laamorgo ngam weltinde mo, kono kadi ko weltinde ɓesngu leydi Senegaal dañde hono o suka debbo (dewbo) jahroowo e duuɓi mu...

Ngal natal waɗi ko hitaande 2018  ñalnde mawbaare 18 lewru bowte hitaande 2018. Caggal nde jaayndeyankooɓe haalirde Daakafm mbaɗi njillu mu’en ngam salminde rabatnaaɓe”, GENO yettaama wonii weltaare mawndel. Gardiiɗo wuro ngo ceerno Muusa Iisa Soh e denndaangal wondiiɓe makko njaɓɓiima, mbismiima e gardagol yoga e doosɗe wuro ngo : Alassan bari, Mammadu sih lollirɗo ceerno SIH, e wondudee ceerno siraaji ndoom mbismiima bismaango yooɗngo, wondudee ɓesngu wuro ngo. Caggal ɗuum ɗereeji keɓtinirɗi HAALIRDE nde caaktaama, ko ena tolnoo e 120 ɗerewol njeeyaama. Wonanii en weltaare mawnde, e fartaŋe ngam wonande sukaaɓe wuro ngo. Kuɗol Ngenndiyanke Joob Rabat diiwaan mo Madiina Gunaas.

Ceerno Jalaali Diine Bah Ka ganndo jaajɗo Madiina ine hooli maa. Pooye kuɓɓii jamma ɗo niɓɓe ngoodataa. Gannde toowɗe ine tijjaa ɗo majjere woodataa. Ɗaccuki falii e hakkunde kammu ɗo tinndooɓe majjataa. Jaayre falii hakkunde kammu ɗo yahnooɓe jamaa paaytataa. Jalaali ko jalbuɗo tiinde hay moosaali o fajjataa. Pulaar jaŋde aɗa hirjini hay nguleendi naange a tinataa. Ka lekki tamaroowi ceertuki ɓiɗɓe no min paamataa. Annduɓe camma ñaama ɗo gaynoyde weeɓataa. Majjuɓe camma ñaama ɗo gaynoyde weeɓataa Waliyaaɓe cakkoo les makki hay ñaamde ine nduuɗoroo. Ko lekki asko maama ma haŋki ina jaŋtino. So diine hare mum kure aɗa yooɓoro. Tuy-tuy yoo majjere suy aɗa semmbinoro. Ko tijjaani baaba mbiyɗaa kono ko almudaagal nootiɗaa. Seydi Bah woni yettoode ma. Kono ko konngol Allah njaŋtiɗaa Jumaaji e jamaaji nootiɗaa. Alhajji Muhammadu Saydu Bah woni maama maa. Kono ko ɗuum woni ko nduuɗiɗa. Ko felo diine e sunna Muhammadu njooɓiɗaa. Ceerno Jalaali Diine Bah. Ka ilooji dogooj...

Ñalnde aaɓnde 4 lewru Siilo htnd 2021  Ganndo gooto wiyi: wonaa binnduɗo fof woni ganndo kono ine hasii kala binnduɗo wonko anndi.  Neɗɗo ine waawi wonde tawa o janngaani kala ko abbitii e binndol kono tawa ko o ganndo. Kumaaɗo e binndol kumtaaɗo e hakkilantaagal. Nde tawnoo ngaandi hoyre maa taw toon ko wiyetee (keeñoldi) ndiin e hoyre mum ine jogii e nder mayri ko wiyetee ndiyam-keeñoldi ko kañum woni ɗowol tuƴƴe tuƴƴooje e nder keeñoldi ndi. Ko maa ɗaam tuƴƴa e nder keeñoldi ndi nde keeñoldi ndi waawa dillude (foofde) ine jogii teele gimmotooɗe e nder terɗe neɗɗo ine njaaɓana hoyre ha njottoo keeñoldi ndi ngam waawde tottirde ndoyam ɗam no haanirta nih", so tawii teele njogii ma ŋakkere ngam yaawde addude ndoyam ɗam ine waawi jibinde pinnugol hoyre nde njiyaa ɓe mbiya ko hoyre makko nde hannde kadi wuli eknh. Ndiyam e ƴiiƴam ine njogii dille mawnde e nder aadee wonaa tan dirtugol majjam ɗam; sibu ndiyam e ƴiiƴam ine njaha ha dow hoyre neɗɗo tellito, ine jogii ko ɗam nawata ...

Ñalnde hoyrebiir 2 Siilo htnd 2021 Ko daartol kiɓɓungol, ngam o welniyanke, walla jirwiniyanke Ayaawo Habrirde ( RTF ) nde ngenndi senegaal. Raabiyatu seydi walla mbiyaa Raabi Seydi; baɗoowo golle jooɗɗe e ngo ayaawo Habrirde ( RTF) ko o penngal e nder peŋɗe daraniiɗe ɓamtaare jaaynirɗe ngenndi senegaal.  Jaayndiyanke: Raabi Seydi. Walla Jirwiniyanke Jirwiniyanke Ayaawo Habrirde PIINDI TV nde ngenndi senegaal; Raabi Seydi, yiy aduna ko wuro koldaa; huufngo gure keewɗe, ko wuro ngo ngannduɗaa fagguyankeewo, ko ngo tufnde ƴoogirɗe taariindi maggo, ko fulɓe ɓurngo teskeede e diiwanuuji dentuɗi e nder ngenndi senegaal. Raabi Seydi; ko o lekki njibinoowi mballitoowi renndo ɓamtaare. Ko o mbaroodi ndewri cirŋiniindi daraniindi ɓamtaare renndo. Jibineede mo koldaa ngam mawnugol makko ndakaaru ɗuum sabaaki waylaare makko e nder renndo makko.  RAABI SEYDI: Koo debbo dardaro mo sifortaake jom doole, mo hinere tokosere, jom yeeso yaajngo seeɗa, ko o debbo boɗeejo...