HAATUMERE LAAMƊO

Ñalnde Dewo 15 lewru Jolal htnd 2020

(NgJ)

HAATUMERE LAAMƊO

W2 / Mahdi renndo he tafngo mum.

W2 / Peewnitgol tooñe

       GOOMU >> (KAALEN PULAAR)

He winndannde men yawtunde nde en mbaɗiino heen laaɓnde, ko abbitii he laamɓe afriknaaɓe ɓurnooɓe goongɗinde afrik teeŋti he gollande ɗum ko battini he laamɓe ɓennuɓe ? Ko laaɓndal jojjunongal jaabteede no feewi. 

Tooma Sankara:

O yiyii aduna ko ñalnde mawnde 21 lewru bowte hitaande 1945 to (Yako haut volta) he nder ngenndi Burkinaa fasoo. Tooma Sankara woniino barogal laaɓa deeral he nder ngenndi BF ngam salaade laamu tuubakiri.

Ko morlal jiire tan njiɗɗen waɗde nde tawnoo seerenɓe men heewɓe ndewii he ciimtol Tooma Sankara, ko wayno Ceerno men Hammee Aamadu Lih gorko mo Mbooyo wuro yontaaɓe ekn. 

Tooma Sankara: ko gorko golluɗo golle pattamlame he nder Burkinaa fasoo. Ko ɗuum waɗi ko o laarorgal wonande he nder laamɓe afrik; ko o laamɗo pamɗinnooɗo hoyre makko ngam salaade hollirde ko o laamɗo, o holliri tan ko o ɓiyi leydi BF no heddiiɓe ɓe nih. Hono Tooma Sankara weeɓaani. So pecce ngonnoo koo gooto, afrik nawii ƴelde mum. O jooɗiima he jappeere nde ñalnde Naasaande 4 lewru Juko hitaande 1983 ha ñalnde Naasaande 15 lewru Siilto hitaande 1987 , gafakke laamu makko solɓita, o waɗii he laamu dɓ 4 he lb 2 he blɗ 11".

 "Caggal ɗuum ko Nelsoon Rohlihla Manndelaa (Madiba), walla mbiyaa Nelsoon Manndelaa; o waɗi koɓe mbaɗi, o waɗii koɓe mbaɗaani. Dɓ 27 he nder dummbirdu”, Nelsoon Rohlihla Manndelaa yiyii aduna ko ñalnde Naasaande 18 lewru Morso hitaande 1918 to Mvezo he nder ngenndi Afrik di siid. He nder puɗɗe makko dillere dawrugol o teskiima he nder afrik di siid ŋakkere potal he ndimaagu (Rimɗineede) nder leƴƴi guurduɗi he nder ngenndi ndi. Ine jeyaa eko addannoomo yiɗde dummbitde ɓeen dummbanooɓe he goongaaji mum'en, he firtude ndeen filñitere dawrugol fenaande he tooñaanngeeji kaantorinɗi he nder afrik di siid. Nelsoon Rohlihla Manndelaa teskaama he makko jaambaraagal he pellital mawngal ngal o jogii ngam ittude ɗeen penaale dogatnooɗe he nder afrik di siid; Nelsoon Manndelaa kanko he jom suudu makko Winni Madikizela ɓiirtunooɗo warñeende mum ngam wallitde jom galle mum hono Nelsoon Rohlihla Manndelaa. Hono Aysata Kan, jom suudu Alh Saydu Booli Kan darnde tiiɗnde nde o darorinoo he nguurndam Alh Saydu B Kan, lollirɗo Mustafaa Booli Kan; yo Allah yurmo mo yaafo haarna mo aljanna toon wona fooftorde makko. Juutna nguurndam Aysata Kan jom suudu makko he ɓesngu makko fof he kuuɓal”. En ndokkii Yeru he Winni Madikizela Manndelaa jom suudu Nelsoon Manndelaa ko hono noon ɓiirtirnoo warñeende mum ngam haɓtanaade renndo mum, caggal nde Nelsoon Manndelaa waɗii dummbirdu Wemmbeley. NM yalti dummbirdu ko 11 lewru Colte hitaande 1990 o ɓoccitii he ɓoggi dummbirdu o hooti galle makko ine jeyaa he jaɓɓinooɓe mo, hono jom suudu makko Winni Manndelaa. Caggal ɗuum o jooɗiima he jappeere laamu nde ñalnde aaɓnde 9 lewru Duujal htnd 1994 ha ñalnde Aaɓnde 14 lewru Korse htnd 1999 o sooɗi junngo makko he lefol laamu afrik di siid ha laaɓi, o hedditorii wutte teddungal he nder leydi makko. Nelsoon Manndelaa yalti aduna ko ñalnde Naasaande 5 lewru Bowte hitaande 2013 to Afrik di siid.

Sagataaɓe nanndunooɓe yonta >> Tooma Sankara >> Nelsoon Rohlihla Manndelaa. 

Waɗde jaabtawol men ko hono ɓe ngoodani. Ɓe mbaɗii koɓe mbaɗi ɓe mbaɗii koɓe mbaɗaani !!

Kuɗol Ngenndiyanke Joob

Kaalen Pulaar, kono kadi ɗigginen Pulaar.

So en mbaɗii pergitte wonaano anniya men.

En njaafniima seerenɓe men kala he kuuɓal