Ngenndiyanke Joob

Maayde So maayde ina jeertina nde tinndinii, ande findina. So nguurndam ko goonga, maayde ko haqiiqa.  Ande yaawi no kural te nde woorata. Holko wuurtu maa he golle bonɗe ? Tee ko ɓe laaɓndittooɓe janngo alaa ko ɓe ngoppata. Ɓe cilat ɓe cilkitat. Ɓe kelat ɓe keltat so hawrii koɗe bonɗe ɓe kasbat. So moƴƴi ɓurii bonɗi ñalnde heen leeɓol siraaɗi a taccat. So aljanna ñalnde mum maayo a fuyboto. En kaalanaama en nanaani En kirjinaama kono en kirjaani. En ndeentinaa ma kono en ndeentaaki. Kaaɗeeki maayde ina muusi. Maayde ina muusi ina haaɗi no cekkiri. So mbaawka ma haaɗi tan fahannde he fenaande, anndu ñalnde heen ngol leeɓol a taccaani. So Allah ina hulɓinii. Ko goonga tago makko ina hulɓinii. En njaŋtanaama darnde kono en paamaani. Holko seerndi kulol he cuusol ? Mi silat mi silkitat = Ɓuraana he gannde Diine o janngi. Gannde o janngi kala ɓamtaare o tekki, leñol o roondi. Cuusɗo Geno, ko tafɗo konu boomaare o tekki.  Hay kaaɗeeki maayde o miijaaki. Jahannama ina yaaji ma haasi...

Ñalnde Hoyrebiir 8 Juko hitaande 2020             Ngenndiyanke Joob R.MG MADIINA GUNAAS Ngenndi lislaam-yankoori. Mahiraandi diine siŋkiraandi tijjaaniya. Laaɓtundi he sunna Muhammadu. Muhammadu koolaaɗo ñalawma ñaawoore he yeeso ñaalawoo mo ñaawtata. Ngenndi lislaam-yankoori. Laatiindi ngenndi tijjaaniyankoori. Ngenndi coomndi ngenndiyankooɓe fellooɓe piyanɗe ngam warde humambinnaagu. Saasɓe sarɓe gannde diine-yankooje. Cuɓaandi Geno ngam Ceerno Seek Siraaji Diine. Ceerno laaɓɗo laɓɓinɗo pele mum he laawol diine. Laatiiɗo Nulaaɗo nuldaaɗo ngam laawɗinde sariyaaji carɗanooɗi he junngo nulaaɗo, nulaaɗo nulanooɗo caggal Annabaaɓe. Ahmadu Baro laatinooɗo sewnde seɓoore ciiwaɗam ciiwtaɗam he ciiwam nulaaɗo Allah. Alh Aali caam camminɗo ɓesnooje ɓesnoyi rewo he worgo koldaa. Koldaa ko koltunoondi saatu nde koltugol saɗti. Kolndi saatu nde kolndam weeɓi ! Moɗtunoondi poofaali saatu nde jaɓde fotnoo. Aarabeeɓe aawɓe giɗli he nde luulnde alliyankoo...

Ñalnde Njeslaare 5 Juko hitaande 2020       Njamndi 03:11 Wallifo Ngenndiyanke Joob Rabaat Madiina Gunaas. Haayre ko mahaande Geno. Nde haasideeɓe njiyi lomtii laadooje piɓi piɓti ndoondii ndoŋki pukki. Ɓe cooyni ƴiiwoole ngam ɓe cikki maa caaynu. Nde labale ndikki ɓe kawri e mayre ɓe ndikkii ɓe ndoŋki ɓe pukki. Amikaal kabraal kabratnoongal jam he afrik bannge hirnaange ɓe ndoondi ha dow leydi ɓe pukki. Ko ndeen lelli e koobi ndogani ŋoral maayo ɗi tawi powle maaje ɓe nguddii. Ko ɗoon barooɗe ngulli luuki mbiyi cawgu dañaama. Liitoori dikkondiri he maayo awtii laañe, seeki maayo noddi noodi e caamaaba ɗi ndikkiri he liitoori. Liitoori liiti kono darinooɓe fonngo maayo paamaani ! Ko ndeen ɗi ndewi hare haa ɗi njantoyi Afrik bannge worgo. Mboros worsiti ɓulli ɓamtaare siiɓi ndeelam ndeelinooɗam he ladde sukkunoonde kuɗooli wari lekkuule he ñoome ɓamtaare. Afrik ko ngenndi mbiccaandi pele Sayku Umar laatinooɗo naange kisal. Ko ndeen powbi farayse ndiirani teeɗoo...

Ñalnde dewo 2 Juko htnd 2020         Firo laaɓnde ɗem:     So neɗɗo fuɗɗii ma wumde, kono o suwaa tawo wumde haa o wiya melow wona o nattii yiyde, o woni ko he hakkunde jiyɗe e ngumndam oon no Pulaar wiyata mo ? Firo ngo: Keewal melse, teelal melso. Leeɓi ina ngona he tonndu gorko leslesiiru ndu, ina waɗa ndukkon leeɓi no pulaar wiyata kon ? Firo ngo: Keewal ñusooji, teelal ñuso. Laaɓndal goɗngal ngal: debbo mo meeɗa jibinde oon holno Pulaar wiyata mo ? Firo ngo: Keewal dewtarɓe dewtaro, teelal dewtaro. Holko seerndi koɗo he tumaranke ? Firo ngo: Koɗo ko neɗɗo bayruɗo arde he nokku, walla tawa omo jogii jokkere he oon nokku, ɗoon omo siforee koɗo. Tumaranke ko neɗɗo ara he nokku tawa alaa mo o anndi ɗoon, kadi o alaa ɗoon banndiraaɓe hay gooto o anndaa, hay gooto anndaa mo, ɗoon ko o tumaranke. Hoyre neɗɗo nde meeɗa waɗde sukundu holno Pulaar wiyata mo ? Firo ngo: Keewal ndelleeje, teelal ndellere.

Ñalnde dewo 2 Juko htnd 2020         Firo laaɓnde ɗem:     So neɗɗo fuɗɗii ma wumde, kono o suwaa tawo wumde haa o wiya melow wona o nattii yiyde, o woni ko he hakkunde jiyɗe e ngumndam oon no Pulaar wiyata mo ? Firo ngo: Keewal melse, teelal melso. Leeɓi ina ngona he tonndu gorko leslesiiru ndu, ina waɗa ndukkon leeɓi no pulaar wiyata kon ? Firo ngo: Keewal ñusooji, teelal ñuso. Laaɓndal goɗngal ngal: debbo mo meeɗa jibinde oon holno Pulaar wiyata mo ? Firo ngo: Keewal dewtarɓe dewtaro, teelal dewtaro. Holko seerndi koɗo he tumaranke ? Firo ngo: Koɗo ko neɗɗo bayruɗo arde he nokku, walla tawa omo jogii jokkere he oon nokku, ɗoon omo siforee koɗo. Tumaranke ko neɗɗo ara he nokku tawa alaa mo o anndi ɗoon, kadi o alaa ɗoon banndiraaɓe hay gooto o anndaa, hay gooto anndaa mo, ɗoon ko o tumaranke. Hoyre neɗɗo nde meeɗa waɗde sukundu holno Pulaar wiyata mo ? Firo ngo: Keewal ndelleeje, teelal ndellere.

Ñalngu ñaawirtee ko he ñalngu banndum, so ñalngu ngoownoongu waɗde yahaa ngaraa so artii he ñalngu banndum ngu wiyee ñalngu banndum arti. Ñalnde 31 lewru Morso 2020 wonnoo  ñalngu teddungu ngu (taaske), ngu hawriti ko he ñalnde mawnde mbajjiri yettaama kaaɗtuɗi. Banndiraaɓe musiɗɓe tedduɓe yo en mbaɗtu nii mo wuuri, oɗon njarloo oɗon njaafo. Minen min njarliima on min njaafiima. Hannde ko ñalnde dewo 2 lewru Juko htnd 2020" Mbiɗa jogii laaɓnde ? So neɗɗo fuɗɗii ma wumde, kono o suwaa tawo wumde haa o wiya melow wona o nattii yiyde, o woni ko he hakkunde jiyɗe e ngumndam oon no Pulaar wiyata mo ? Leeɓi ina ngona he tonndu gorko leslesiiru ndu, ina waɗa ndukkon leeɓi no pulaar wiyata kon ? Laaɓndal goɗngal ngal: debbo mo meeɗa jibinde oon holno Pulaar wiyata mo ? Holko seerndi koɗo he tumaranke ? Hoyre neɗɗo nde meeɗa waɗde sukundu holno Pulaar wiyata mo ? Njaafoɗon, laaɓnde poɗɗen laaɓndaade de ina keewi, ha ɗe pirtee ngarten he goɗɗe so haaji ɗo mbajjiri. Kulɗo Ngenndiyanke Joob