Holi gonnooɗo Ibrahiima Sih?

BAYINOL NGUURNDAM

       IBRAHIIMA SIH MG

         Madiina Gunaas

 Mawnde 5 lwr korse htnd 2020

Nguurndam Ibrahiima Sih:

Nguurndam makko ine haani bayinneede sibu o laatinooma conngoori añɓe leñol fulɓe mbaɗtiniindi kuufol renndiyaŋkaagal e tabitinde ngootaagu ɓamtaare.

IBRAHIIMA SIH

Maayde alaa jaasirgal.

Ñalnde Mawnde 5 lewru korse hitaande 2020 

So nguurndam ina woodi, laaɓi maayde ko goonga. hannde e ngu ñalngu mawngu duworteengu mbajjiri jaabo, gooto e jaalal men tiiɗngal kerngal, ngal dono mum weeɓaani e Harbiyankaagal makko timmungal; Ibrahiima Aamadu Sih, to bannge baaba Neene makko Ibrahiima Raamata Caam, baɗnooɗo nguurndam mum fof e nder ɓamtaare renndo, ha o teskanaa golle dowrowe ngam wonde mo katante renndo ngo. so tawii nguurndam ko goonga maayde wonaa peŋte ɗe aadee kala feŋtanta hoyre mum". Ibrahiima Aamadu Sih gorko mo Madiina Gunaas: o yiyii aduna ko hitaande 1956 ha ñalnde Mawnde 5 lewru korse htnd 2020 to waala fenndoo o dañii duuɓi (64), Baaba makko wiyetee ko Aamadu, Neene makko wiyetee ko Raamata Caam. IS ko almuudo teskanooɗo e almudaagal mum maantiniingal, ko o neɗɗo jiɗanooɗo e renndo ngo, jiɗanooɗo yimɓe; keewɗo wasiyaaji keeriiɗi fayde e renndo makko. IS jeyaa ko wuro mum teddungo ngo Madiina Gunaas, gunndaga boyli welngo ndiyam, moƴƴungo ŋari ƴoogooɓe siñcaango he hit » 1936 " MG ko wuro sunniyankeewo tafaango e mbaydi njuɓɓundi; MG ko wuro tijjaaniyankeewo, ko wuro socciraango jampi e sooɗorde ha laaɓi lallitiraa ndiyam jam-jam (jamyamam). 

              (IBRAHIIMA AAMADU SIH):

Ngol bayinol; o gorko pullo daneejo keelɗunooɗo ɓernde , mo kesi mum kaɗnoo kiiɗɗi mum haalteede; ko caaktugol nguurndam o gorko pullo jontanooɗo e sahaa mum. O woppii ciimti e daarti. Tijjaani Aan Elimaan Sammbooru Barka, yo yurmeende mbajjiri won e maɓɓe (Aamiin), o wiyi : Aduna ko waɗi-waɗi e haali-haali golle ngadoo haala waɗtindoo haaleede; kala ko neɗɗo golli welde e yurminaade ko ciimtol tan wontata. 

        "(IS NAATGOL MAKKO FARAYSE):

O naati lesdi farayse ndi ko e ciiltirɗe hitaande (1981), hit hesere nde ine jogori naatde (1982), IBRAHIIMA AAMADU SIH (IS), ko o neɗɗo ganndanooɗo no feewi; kala nde Ceerno Alh Tijjaani Bah naati lesdi ndi omo daroo heen darnde tiiɗnde, ko fayti e geɗe toɗɗiiɗe njahaa-ngartaa o, teeŋti noon e hirjinde yimɓe ɓe to senngo dental ha e jojje gonooje ɗoon. Omo hirjinatnoo sukaaɓe ɓe nde tiiɗnoto e dental e nanondiral, e haɓanaade ɓamtaare toownde to bannge nokkuuje maɓɓe dowrowe ɗe. Omo heewno wiyde : minen kam min nawyi hanti ko onon sukaaɓe ɓe ngoni lomto janngo", Ibrahiima Sih ko o neɗɗo jankiniiɗo baawɗo gondigal.

Ballal Aamadu Sih:

En njettii Aamadu Sih ɓiyiiko balluɗo en he ngol ciimtol, kadi en nduwaniima Aamadu Sih e dentaangal Madiina Gunaas-naaɓe fof e kuuɓal, yo mbajjiri yurmo yaafo mo haarna mo aljanna, aljanna toowɗo wona hoɗorde makko ya barke Nulaaɗo Muhammadin Sallallaahu Aleyhi wa Sallama, e barke Seek Tijjaani Sarif (RTA), a barke Ceerno men Seek Siraaji Diine Seek Alh Muhammadu Saydu Bah (Aamiin). En nduwaniima Ceerno e ɓesngu mum fof nde tawnoo ko Ceerno yahraa-mo. Ko o jaalal ngenndiwal kerngal cemmbungal tafnoongal konu ɓamtaare renndo e mbaydi kuuɓtodinndi » Senaare woodanii Allah ceniiɗo o, kisɗo kisnuɗo kisnoowo mo kisal alaa gaa-gaa mum yo ɓeydu juulde e Annabi men o Muhammadin Sallallaahu Aleyhi wa Sallama, taata en e barke makko. 

Yo Allah yurmo yaafo Ibrahiima Sih haarna mo aljanna toon wona fooftorde makko bijjaahi Nabiiyil Musɗafa /S.A.W). Kuɗol Ngenndiyanke Joob mo Rabaat e diiwaan mo Madiina Gunaas.

E ballal Aamadu Sih MG.