Ñalngu Maandeewu (stains fr).

Stains fr, Waala-Fenndo. Ñalngu diƴƴeewu.

      "Tawtoragol ceerno Ibnu Umar Bah"

Batu ngam gostondiral miijooji, miijiyankooɓe ndenti njibini miijo e ballal Geno. Ngu daɗɗaa ko ñalnde 11 lewru siilo htnd 2020 to (stains, fr waala-fenndo)", nokku dule-ceertuɗe). 

ngu batu maantiniingu waɗi ko e tawtoreede Ceerno Ibnu Umar ceerno Alh Muhammadu saydu Bah mo Madiina Gunaas. So tawii ine woodno batuuji ɗi ndewataano laawol, nguu ɗo batu kam sihnetaake e ɗiin batuuji. Ngam dentugol yimɓe ngol e njuɓdi golle ndi alaa ko ŋakki.

Jottagol c Ibnu Umar Bah :

Nde ceerno yottii batu ngu bismaa. Ɓaawo ɗuum o fuɗɗorii ko jettugol Allah twt”. O heɓɓitii konngol : neɗɗo kala ine daña ko e almudaagal mum, so neɗɗo jaɓii wonde maa o dañ nguurndam timmuɗam aduna makko e laakara makko.

Ciimtol :

O wiyi nde ceerno mawɗo Muhammadu saydu Bah natti nde oon sahaa ko kanko e ceerno Ahmadu Tijjaani Bah ngondunoo to (Ndakaaru) to, ndeen ceerno mawɗo natti (sankiima), kanko e Ceerno Ahmadu Tijjaani Bah(Aamadu), ngimmodii ndakaaru, ngam faytude Madiina gunaas. Ndeɓe njottii mg hawri ko e saatu juulal futuro Ceerno Ahmadu t Bah noddi Ceerno Baaba Saydu Hammaat suudu habrirdu ɗo, wonde ceerno mawɗo nattii to ndakaaru. Tesko so en mbiyi ceerno mawɗo njiɗɗen joofaade ko ceerno Alh Muhammadu Saydi Bah Madiina gunaas. “Ɓaawo ɗuum ceerno Ahmadu t Bah habrii ceerno Baaba saydu Ammaat ceerno mawɗo ruttiima e joomi mum to ndakaaru. Ko ɗoon Baaba Saydu Hammaat heɓɓitii wiyi ine anndi; o wiyi : Ceerno mawɗo wiyno so o yiyaaka o waɗtiikam e juuɗe ma, ko ɗoon o wiyi e jonnde he yoo Ceerno Alh Ahmadu Tijjaani Bah hesɗitinan-mo almudaagal makko, ko ɗoon ceerno hesɗitinani mo almudaagal makko. Ceerno Ibnu Umar Bah rewi heen kañumne wiyi : yoo ceerno Ahmadu t Bah hesɗitinan-mo almudaagal makko, ceerno hesɗitinani-mo almudaagal makko. Ceerno Ibnu Umar Bah wiyi anndaa so tawii won gadiiɗo Ceerno baaba saydu Hammaat Bah hesɗitinaneede almudaagal mum; kono kanko kam ko o tini ko kamɓe ɗiɗo ngadii wonde almudɓe ceerno Alh Ahmadu tijjaani Bah. O gila ndeen haa hannde ko o almuudo, ngaal almudaagal bonata abadan labaadi. Sibu ko ɗuum o ñaagino Geno omo anndi Geno jaɓaniimo ɗuum. Yoo jaɓ jaɓana kala juulɗo wonde almuudo e heddaade e yamiroore. 

Ciftigol diine lislaam :

O siftinii juulɓe ɓe alaa ko njogii so wonaa diine lislaam tedduɗo o, alaa ko juulɓe tagiraa so wonaa yoo ndewu Allah tedduɗo o, e sunna Nulaaɗo makko o s.w.s "Teeŋti e dental to diine e to sunna o, e to tijjaaniya o, siftinii yimɓe yoo ndentat saatu dental njokkondira enɗameeje nde tawnoo ko ɗuum tan ceerno mawɗo wasiytono yimɓe ɓe. Yoo ndewu Allah njokka enɗam. Yoo Geno yoɓ-mo moƴƴere heeriinde (Aamiin). 

Waktuuji :

Ko ɗoon o juulni min alaasara e futuro e geeƴe, min mbertidi e makko wudere wajiifa haa timmi. Ɓaawo ɗuum o waynondiraa batu ngu fusi rennduɓe nokkuuji kootdi, nde tawnoo o sahaa to senngo njahaa ngartaa o ine ŋakki no feewi. Wonaa to laaɗe leydi ɗe, e to werlaaji ɗi fof ine ŋakki. Sabaabu mum ko hofngo juuɗe, ko ine tolnoo e duuɓi 2 pawɗi no moƴƴi. (Jubbannde dawrugol), caggal nde laamu leydi farayse yiɗi waylude sariyaaji leydi ngam ɓeydu duuɓi liggotooɓe he nder leydi ndi. Ɗo wonnoo duuɓi 60 ɓe mbaɗta (62 ekn.) ɓaawo ɗuum hof-juuɗeyankooɓe ɓe calii ɗuum ngam ɗuum wonantaaɓe ngartam. Ko ɓuri jojjude, e yiɗde siinde e laawɗinde ɗiin sariyaaji e doosgal leydi ngal.

Njettooru keeriiɗo fayde kala jogorɗo janngude ndee winndande !

En njettii Geno e Nulaaɗo makko Muhammdin sallallaahu aleyhi wa sallama. Yoo jam e kisal Geno timmungal ngon e makko haa ñalnde laawɗingol golle, Geno suura en e barke nguun njurum-ndeeru makko keertiɗinanaangu toon juulɓe. Ngu suura en ngu huura en haa ñalnde taccol leeɓol siraaɗi nguun njurum-ndeeru suura en huura en haa aljanna ɓurɗo toowde laato koɗorɗe men. Kuccundiren pooye galleeji eɗen njarda tufam nay aljannaaji yaa barke Muhammad kohoowo nulaaɓe njaatige juulɓe. So tawii en mbaɗii pergitte yaafuya ɗaɓɓaama, wonaa ɗuum wonnoo fayndaare nde. Wonnoo fayndaare nde ko moƴƴinde.

Kuɗol Ngenndiyanke Joob

Mo Rabat Madiina Gunaas.