Ngenndiyanke Joob

Tumaaji ɓennuɗi gaawe boɗeeje. Cortotooɗe cilooje cilkitooje nguru he teewu. Seydinaa Aliw joom semmbe baɗɗotooɗo ndimaangu keeci falla hay jokkaade weeɓata. Dimmbinoowo konu reentina juulɓe ɗo kulol mbeeɓata. Hartoo ndimaangu werloo gaawe boɗeeje defaaɗe jeyngol hay ɓuuɓoyde weeɓata. Naatiroowo wolde hirnaange joofnira fuɗnaange. Ginnoowo Allah nodda Nulaaɗo Muhanmadu. Baaba mum Faatimata, baaba mum Ibraahiima. Kormiiɗo Nulaaɗo jaɓɗo nelal he jamirooje. Ñalnde wolde badiri ruuki kono heefereeɓe ndañaani sagooji mum'en. Seydinaa Aliw koo jaambaaro mo hulata. Ko o jaambaaro mo dogata. Ko o joom silaama kormaaka makka he Madiina en njeddata. Cifaaɗo he manngu enen en ngenndata. Joom galle Faatimata Bintu Rasuulu hay hare diine o hulata. Ko o jaambaaro mo hulata hay gaawe ñalnde wolde o ŋakkata.  Ko gaawe ɗe Nulaaɗo rokki ñalnde mum huuɓde en ngenndata. Umaar koo joom goonga ceedtanaaɗo hay huunde en ngustata. Ko o laaɓɗo laɓɓini hakkunde makko he Nulaaɗo hay Sahabaaɓe njeddata. Usmaa...

Tiitoonde: Ngaandi. Koɗogol yeeweende e ngaandi. Ko guddugol e geddugol jokkondiral ngaandi e laytiri hakkille mum. So koɗogol yeeweende e ngaandi juuti jibina ngaanumma. Jokkondiral terɗe e laylaytiri ƴiiƴam e ndiyam njas-njasina ngoobo e hakkille. Ko noon dewerewal ngal luubo terɗe ha ɗe ngannomina e jaasre guurgol ɓernde. Aadee fof ko adan waɗtindii no garal ha feeñi e maggal. So peeñdi feeñdi e ha timmii e ngal dunal. Nduumoɗen e gollanaade renndo e leñol. Nduumoɗen e yarirde aynaaɓe ɓennuɓe sañnjantonooɓe ngootaagu e ñiiɓnude ɗemngal e sarande en ngal aawdi. Kirondiral e kiwondiral ɓamtaani en e maggal. So ngaandi ñolii ndiin kay bonii. Woto njedden ganndo ganndal e maggal caroowo. Kiilnanoɗen annduɓe e maggal ganndal sarooɓe. Ganndo ganndinoowo aawdi moƴƴiri e men gaddoowo. Ngoppen koonguuji majjere e boomaare. So ganndal leñol njanngen. So pinal leñol ñiiɓnen  So jimɗi jimeteeɗi pinal alɗina. So jaŋde janngeteende ganndal anndina. Mooraade jubbol firaani ngol sañcetaake. Wiy...