Ngenndiyanke Joob

Deftere janngirte ko Deftere banndiire. Winndu mi jannga, mi uddita becce am mi ŋaaɓo, mi heɗto !    Ngenndiyanke Joob ! Mi waɗat ɗo natel am pamarel keɓtindoro-ɗon, .   Ngenndiyanke Joob'', ko ardii fof mbinnden ɗemɗe men, nde tawno ko ɗemngal woni ngaandi leñol. So ɗemngal maayi leñol mum jommbaani maayde natta woodde. Ɗemngal Pulaar jeyaa ko e ɗemɗe ngenndiije ɓurɗe jogaade doole, ha janngoowo o ɓura faamde, ɗemngal Pulaar Fulfulde e nder afrik ngal wonaa cakkitiingal, ko ngal gadingal sibu ko ngal tuugneteengal, ngal tuugotoongal e ɗemɗe janane. Sibu Pulaagu ko pinal e ganndal soomi e mum, wonaa tan ɗemngal ngal walla renndo joom'en ɗemngal ngal. Kono ndee winndannde wonaa e oon fannu njiɗɗen yahrude, njiɗɗen yahrude ko e fannu neɗɗanke, beddiiɗo gubbol mum e nder banndiraaɓe mum ! Perferlo,  Aadee kala ko aadee, kono won ɗo aadee en ceerti jiyanɗe e ngonka ! Ooɗo aadee ko dariiɗo dadiiɗo cemmbolinɗo, mo hulaani yartaade warñeende mum, doogɗo galle hisni piɗ...