Ngenndiyanke Joob

Ñalnde dewo 27 Bowte hitaande 2020 Dawriyanke: Ismaayel Siisee (Mali) Dawriyanke ŋanaa yanii ñalnde:       Naasaande 25 lewru Bowte htnd 2020     NGUURNDAM: Ko daartol, hay sinndo ko daartol penngingol wonande en, enen jogorɓe winndude ngol daartol. Ismaayla Siisee koo daraninooɗo ngam ƴamde lefol laamu e hitaande 2019  o follaa, ɓooytaani koninkooɓe (walla mbiyen baɗboniyankooɓe konimo nawi mo ko ine tolnoo lewbi (6) o yiyaaka o nanaaka. Ɓooytaani o feeñi e ngaal jaggal, caggal lewbi ɗiɗi o hawri e lajal to ngenndi Waala Fenndo, ñalnde naasaande 25 lewru Bowte htnd 2020; en nduwaniima dentaangal afrik jaale dawriyankooje teeŋtii e ɓesngu Mali fof e kuuɓal.  En nduwaniima renndo afrik fof e kuuɓal. Yo Allah yurmo mo yaafo haarna mo aljanna toon wona fooftorde makko ya barke Nulaaɗo Allah Muhammadin Sallallaahu Aleyhi Wa Sallama e barke Alɓuraanil Kariim. (Aamiin) Kuɗol Ngenndiyanke Joob Maccuɗo leñol mum.

Ñalnde njeslaare 3 lewru Bowte htnd 2020 HAATUMERE LAAMƊO: Ganndo ardantee ko nehdi. So en mbiyii ganndo ko joom'en jalɗi diine ɗi; nde tawnoo kamɓe nokkuure maɓɓe alliyankoore nde to woni to ina toowi, ko ɗuum waɗi aɓe cokli nehdi. Ko he ndeen nokkuure ɓe ngoni he kala sahaa wiyde ina ittaɓe toon ko fergitannde wonande oon neɗɗanke ! Neɗɗo ine wiyee yo jaggiir banndi mum no jaggiri hoyre mum nih. Mbiyaten so tawii omo moƴƴi jikku ? Nde tawnoo neɗɗo e nder mum waɗi ko caawe caawe: kala saawre nde o saawi ko ndeen feeñata he golle makko. So tawii neɗɗo woppii jikku mum bonɗo o aybinii banndiiko ngam jikku mum bonɗo ndaw ko haawni !! Neɗɗo eletaake eeltete. Kala mo eli neɗɗo ngam gele-ele mum, anne maa ele ngam gele-ele ma. Neɗɗo woni he mum ko sirlu Allah, ko ɗuum waɗi neɗɗo aybintaake". Kala mo aybini neɗɗo ngam ayibbaaji mum; maa Allah suurtu ayibbaaji makko, ngam ngaybinireɗa ayibbaaji mo ngaybinnoɗa ayibbaaji mum o. Aan a moƴƴaani mii...