Leydi
Leydi, leydi ko en tagaaɓe e mayri ruttotooɓe golluɗo heen moƴƴere janngo joɓeteeɗo, leydi” leydi dokkaaɗo e dow mayri butotooɗo diine jooɓinooɗo tan janngo joɓeteeɗo canndolinnooɗo tan janngo mbordi jarneteeɗo ƴiiƴiiri janngo ɓallinteeɓe . Leydi, leydi alaa e mayri keddotooɗo so wonaa laamɗo ñalawma darnde golle joɓoowo mo asli mum alaa cifotooɗo mo waɗtan mum alaa cifotooɗo Muhammadu gooto moƴƴere bellitaaɗo jaɓnooɓe kala asli mum ko ruttitaade, salinooɓe kala asli mum janngo jeynge daheede ɓoggi yoora-ɓadoo haɓɓirteeɓe mbordi janngo yarneteeɓe mboddi janngo fiileteeɓe tooke mayri yarneteeɓe. Ɓe cikki jawdi aduna ko keeweendi ɓe cikki jawdi aduna ko ngarndi wonaa mbaasaandi, so labale ndikkii ɓe ngonaa dillooɓe, so labale ndikkii ɓe ngonaa ƴeŋƴiktooɓe jawdi aduna e maɓɓe hoomtaaɓe galleeji mawɗi e teeru miijotooɓe galleeji mawɗi e teeru sannjantooɓe tawa ɓe njejjitii miskineeɓe e maɓɓe yowitiiɓe, fuuntaaɓe hoomtaaɓe ɓalli mu’en ñolnaaɗi tekke mu’en ufneteeɗee jonndeeji keewɗi...